Organisation Armée Secrète
A denominada Organización Armada Secreta (OAS) (Organisation armée secrète en francés) foi unha organización terrorista francesa de extrema dereita dirixida polo xeneral Raoul Salan, nada en 1961 tralo intento de golpe de Estado de Maurice Challe, André Zeller e Edmond Jouhaud.
| Organisation armée secrète | |
|---|---|
 | |
 | |
.jpg) | |
| Tipo | organización armada |
| Ideoloxía | Nacionalismo francés |
| Data de fundación | 1961 |
| Data de disolución | 1963 |
| [ editar datos en Wikidata ] | |
Historia
Inmediatamente posterior ao referendo que permitiu a autodeterminación alxeriana, a OAS foi un grupo terrorista armado que atentou contra institucións francesas alxerianas e asasinou a cidadáns europeos e árabes tanto en África como en Europa.
Nas súas filas contou cun elevado número de militantes conservadores, dereitistas e fascistas, recrutados principalmente en Orán e Alxer. Tralo fracaso dos seus plans contra Charles de Gaulle e o independentismo alxeriano, a maioría dos seus membros exiliáronse no sur de Francia. Canto aos seus dirixentes, moitos, como Pierre Lagaillarde, Jacques Soustelle, Jean Garden, Alin Sarrien ou Raoul Salan refuxiáronse en España.
Francia foi a partir dos 60 belixerante coa OAS, porén, recibiran moita colaboración da policía e do exército en Alxeria.
A partir dos acordos de Evian e de varios atentados en Francia, o estado francés creou un grupo especial de intelixencia para desarmar á OAS. En Alxeria coñecíaselles co alcume de barbouzes polas barbas postizas que empregaban.
Véxase tamén
Outros artigos
Ligazóns externas
- Rémi Kauffer, Jean Monneret. Revista Historia Thématique N°76 Marzo-abril de 2002: La Face cachée de la guerre d'Algérie - L'OAS, OAS : les secrets d'une organisation clandestine.
This article uses material from the Wikipedia Galego article Organisation armée secrète, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.