Nabiza

As nabizas son as primeiras follas do nabo, antes de que esta planta entre en floración, xa que daquela denomínanse grelos, que teñen características organolépticas diferentes.

En Galicia é a verdura típica do outono para facer o caldo galego, e tamén se utiliza como ingrediente dos primeiros cocidos, e mesmo do Lacón con grelos.

A dicir de Eladio Rodríguez, as nabizas son as

hojas tiernas del nabo, cuando éste empieza a crecer. Son comunes y muy estimadas en Galicia, donde tienen mucha aceptación para el caldo y las ensaladas.

Eladio Rodríguez. Diccionario enciclopédico gallego-castellano.

E segundo Emilia Pardo Bazán, falando do caldo galego, di

(...) Y la inmensa mayoría de los que han nacido en Galicia, y muchos que en ella no nacieron, encuentran muy gustoso el plato. Hoy se venden en Madrid, y muy solicitados, grelos y nabizas (...).

Condesa de Pardo Bazán. La cocina española antigua.

Refraneiro

• As nabizas piden unto; e os grelos, lacón ao punto.
• As nabizas queren unto, aceite e allos, todo xunto.
• Nabo, nabiza e grelo, a trindade do galego.

Cantigueiro

1.

Eu de onde estou ben vexo
as rabizas en Teaio,
tamén vexo os meus amores
na arrechán de Araño.

2.

Non chas quero, non chas quero,
nabizas do teu nabal;
non chas quero, non chas quero,
que me poden facer mal.

Bibliografía

• Condesa de Pardo Bazán (s/d): La cocina española antigua. Madrid: Sociedad Anónima Renacimiento. Reedición facsimilar, editada en O Castro, Sada (1996) pola Academia Galega de Gastronomía, coa autorización da RAG. ISBN 84-600-9327-1.
• Rodríguez González, Eladio (1961): Diccionario enciclopédico gallego-castellano. Volume 3. Vigo: Editorial Galaxia.
• Picadillo (2001): La cocina práctica. Prólogo de Emilia Pardo Bazán. A Coruña: Editorial Everest Galicia. ISBN 84-403-0510-9

Outros artigos

• Grelo
• Nabo

Ligazóns externas

• Real Jardín Botánico: Proyecto Anthos (en castelán).