Kate Bush: Cantante, pianista e compositor inglés (nacido en 1958)

En 1978, con dezanove anos, acadou o número un da UK Singles Chart durante catro semanas co seu primeiro sinxelo "Wuthering Heights", o que a converteu na primeira artista feminina que obtivo un número un no Reino Unido cunha canción composta por ela mesma. Dende entón publicou vinte e cinco sinxelos que entraron no Top 40, incluídos os Top 10 "The Man with the Child in His Eyes", "Babooshka", "Running Up That Hill", "Don't Give Up" (dúo con Peter Gabriel) e "King of the Mountain". Os seus dez álbums de estudio estiveron entre os dez máis vendidos do Reino Unido, incluídos os números un Never for Ever (1980), Hounds of Love (1985) e a compilación The Whole Story (1986). Foi a primeira solista británica que liderou a lista de vendas británica de álbums e a primeira artista feminina que tivo un álbum no número un.

Kate Bush

(1981)
Biografía
Nacemento	(en) Catherine Bush 30 de xullo de 1958 (65 anos) Bexleyheath, Reino Unido (pt)
Datos persoais
País de nacionalidade	Reino Unido
Educación	London South East Colleges (en)
Actividade
Campo de traballo	Composición musical
Ocupación	música , actriz de cinema , cantante , compositora de cancións , artista discográfico , produtora musical , mimo , directora de cinema
Período de actividade	1975 -
Membro de	PRS for Music (en)
Xénero artístico	Art pop (pt) , pop progresivo, singer-songwriter music (en) , Baroque pop, pop experimental, Art rock e pop rock
Lingua	Lingua inglesa
Tesitura	Soprano
Instrumento	Guitarra, piano, violoncello, baixo e voz
Selo discográfico	EMI Harvest Records (pt) Columbia Records EMI
Deporte	Karate
Obra
Obras destacables (1977) Wuthering Heights (1985) Running Up That Hill
Familia
Parella	Del Palmer (pt)
Irmáns	John Carder Bush e Paddy Bush (pt)
Premios (2023)  Salón da Fama do Rock (2013)  Comandante da Orde do Imperio Británico  Orde do Imperio Británico
Páxina web	katebush.com

Bush comezou a escribir cancións aos once anos. Foi contratada por EMI Records despois de que o guitarrista de Pink Floyd David Gilmour axudase a producir unha maqueta. O seu álbum de debut, The Kick Inside, publicouse en 1978. Bush foi gañando independencia artística na produción dos seus discos e produciunos todos dende The Dreaming (1982). Tomouse un descanso entre o sétimo e o oitavo, The Red Shoes (1993) e Aerial (2005). Volveu conseguir atención en 2014 co seu concerto Before the Dawn, primeiro espectáculo dende The Tour of Life de 1979.

O estilo ecléctico e experimental de Bush, as súas letras pouco convencionais e os seus temas literarios influíron a un amplo rango de artistas. Foi candidata a trece premios da British Phonographic Industry, gañando o de mellor artista británica en 1987, e foi candidata a tres premios Grammy. En 2002 foi recoñecida cun premio Ivor Novello pola súa contribución á música británica. En outubro de 2017 foi seleccionada para a súa inclusión no Rock and Roll Hall of Fame en 2018. Bush foi nomeada Comandante da Orde do Imperio Británico (CBE) en 2013 polos seus servizos á música.

• The Kick Inside (1978)
• Lionheart (1978)
• Never for Ever (1980)
• The Dreaming (1982)
• Hounds of Love (1985)
• The Sensual World (1989)
• The Red Shoes (1993)
• Aerial (2005)
• Director's Cut (2011)
• 50 Words for Snow (2011)

Wiki Commons ten máis contidos multimedia na categoría:  Kate Bush

Bibliografía

• Bush, John Carder (2014). Cathy. Londres: Sphere. ISBN 978-0-7515-5989-7. 
• Bush, John Carder (2015). Kate. Londres: Sphere. ISBN 978-0-7515-5990-3. 
• Bush, Kate (2018). How to be invisible. Londres: Faber & Faber. ISBN 978-0-571-35094-0. 
• Cann, Kevin; Mayes, Sean (1988). Kate Bush: A Visual Documentary. Omnibus Press. ISBN 0-7119-1039-1. 
• Godwin, Robert (2006). The Illustrated Collector's Guide to Kate Bush (2nd ed.). Collector's Guide Publishing. ISBN 978-1-894959-45-2. 
• Jovanovic, Rob (2006). Kate Bush – The Biography. ISBN 978-0749951146. 
• Thomson, Graeme (2012). Kate Bush: Under the Ivy. Omnibus Press. ISBN 1-84772-930-4. 
• Vermorel, Fred; Vermorel, Judy (1980). Kate Bush: Princess of Suburbia. Target Books. ISBN 978-0-7119-0152-0. 
• Vermorel, Fred (1983). The Secret History of Kate Bush and the Strange Art of Pop. Omnibus Press. ISBN 0-7119-0152-X. 
• Withers, Deborah (2010). Adventures in Kate Bush and Theory. Hammeron Press. ISBN 0-9564507-0-9. 

Ligazóns externas

• Páxina web oficial
• Kate Bush interview, Ireland, 1978
• Doherty, Mike (22 de decembro de 2005). "This Bush's Mission Finally Gets Accomplished". National Post. Arquivado dende o orixinal o 26 de setembro de 2007. 
• Doyle, Tom (28 de outubro de 2005). "'I'm Not Some Weirdo Recluse'". Music. The Guardian. Arquivado dende o orixinal o 1 de outubro de 2014. 
• Muskens, Helena; Racké, Quirine (2007). Come Back Kate. Snow White Films. 
• Osborn, Michael (30 July 2008). "Behind the Enigma of Kate Bush". Entertainment. BBC News. Arquivado dende o orixinal o 12 de xullo de 2012.