A Ivy League (Liga da Hedra), tamén coñecida como The Ancient Eight (As Oito Antigas) é unha conferencia deportiva universitaria estadounidense que comprente oito universidades privadas do nordés do país.
A expresión Ivy League adoita empregarse tamén fóra do contexto deportivo para referirse ás oito universidades de elite con connotacións de excelencia académica, selección nas admisións e elitismo social. Os seus membros por orde alfabética son Universidade Brown, Universidade de Columbia, Universidade Cornell, Dartmouth College, Universidade Harvard, Universidade de Pensilvania, Universidade Princeton e Universidade Yale.
Aínda que a expresión xa se empregaba en 1933, só se fixo oficial despois da formación da NCAA Division I en 1954. Todos os membros agás Cornell fundáronse durante a época colonial, polo que están incluídas sete das nove universidades fundadas antes da Revolución Americana. As outras dúas, a Universidade Rutgers e o College of William & Mary, son institucións públicas.
Os centros da Ivy League vense como algunhas das universidades máis prestixiosas do mundo. Todas están entre as dezasete primeiras da clasificación da U.S. News & World Report de 2020, catro delas entre as cinco primeiras. U.S. News nomeou algunha delas como a mellor universidade do país todos os anos dende 2001. Na clasificación global de 2020 da U.S. News & World Report, tres delas estaban entre as dez mellores universidades do mundo (Harvard primeira, Columbia sétima e Princeton oitava).
Institución | Lugar | Alcume deportivo | Fundación | Afiliación na fundación |
---|---|---|---|---|
Universidade Brown | Providence, Rhode Island | Bears | 1764 como College in the English Colony of Rhode Island and Providence Plantations | Baptista, a carta de fundación promete "tests non relixiosos" e "total liberdade de conciencia" |
Universidade de Columbia | Nova York | Lions | 1754 como King's College | Igrexa de Inglaterra |
Universidade Cornell | Ithaca, Nova York | Big Red | 1865 | Non sectaria |
Dartmouth College | Hanover, New Hampshire | Big Green | 1769 | Calvinista (Congregacionalista) |
Universidade Harvard | Cambridge, Massachusetts | Crimson | 1636 como New College | Non sectaria, fundada por calvinistas congregacionalistas |
Universidade de Pensilvania | Philadelphia, Pensilvania | Quakers | 1740 como escola de caridade sen nome | Non sectaria, fundada por membros da Igrexa de Inglaterra e metodistas |
Universidade Princeton | Princeton, Nova Jersey | Tigers | 1746 como College of New Jersey | Non sectaria, fundada por calvinistas presbiterianos |
Universidade Yale | New Haven, Connecticut | Bulldogs | 1701 como Collegiate School | Calvinista (Congregacionalista) |
Wiki Commons ten máis contidos multimedia na categoría: Ivy League |
A Galipedia ten un portal sobre: Estados Unidos de América |
This article uses material from the Wikipedia Galego article Ivy League, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.