O hertz (símbolo Hz), tamén chamado hercio, é a unidade derivada do SI para frecuencia, a cal é expresada en termos de oscilacións por segundo (s−1, 1/s).
Hertz | |
---|---|
Tipo | unidade derivada do Sistema Internacional de Unidades, unidade do SI cun nome especial, unidade phenes de SI, unidade derivada de UCUM e unidade de frequência |
Nomeado en referencia a | Heinrich Rudolf Hertz |
[ editar datos en Wikidata ] |
A unidade é nomeada en homenaxe ao físico alemán Heinrich Rudolf Hertz, que fixo algunhas importantes contribucións á ciencia no campo do electromagnetismo. O nome foi establecido pola Comisión Electrotécnica Internacional (IEC nas súas siglas inglesas) en 1930. Este foi adoptado pola Conferencia Xeral de Pesos e Medidas (CGPM, Conférence générale des poids et mesures) en 1960, substituíndo o nome anterior de ciclos por segundo (cps), así como os seus múltiplos relacionados, principalmente quilociclos por segundo (kc/s), megaciclos por segundo (Mc/s) e ocasionalmente quilomegaciclo por segundo (kMc/s) e xigaciclo por segundo (Gc/s).
Un hercio representa un ciclo por cada segundo, entendendo ciclo como a repetición dun suceso. Por exemplo, o hercio aplícase na física para a medición da cantidade de veces por un segundo que se repite unha onda (xa sexa sonora ou electromagnética), magnitude denominada frecuencia e que é, neste sentido, a inversa do período. Un hercio é a frecuencia dunha partícula puntual nun período dun segundo.
Por exemplo, a luz vermella ten unha frecuencia de preto de 4.6×1014 Hz. A enerxía eléctrica, en corrente alterna, chega ao consumidor (fogar, industria) coa frecuencia de 50 Hz ou 60 Hz, dependendo do país ou rexión.
Símbolo/Unidade | Frecuencia | ||
---|---|---|---|
1 quilohertz | kHz | 103 Hz | 1 000 Hz |
1 megahertz | MHz | 106 Hz | 1 000 000 Hz |
1 xigahertz | GHz | 109 Hz | 1 000 000 000 Hz |
1 terahertz | THz | 1012 Hz | 1 000 000 000 000 Hz |
1 petahertz | PHz | 1015 Hz | 1 000 000 000 000 000 Hz |
1 exahertz | EHz | 1018 Hz | 1 000 000 000 000 000 000 Hz |
This article uses material from the Wikipedia Galego article Hertz, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.