Goa: Estado da India

É un dos máis pequenos estados en territorio e poboación, e máis rico en PIB por persoa da India. A capital é Pangim e Vasco da Gama é a cidade máis grande.

Goa

गोवा (hi) गोंय (gom)
Localización
15°24′07″N 74°02′36″L / 15.40194, 74.0433374°02′36″L / 15.40194, 74.04333
País	India
Capital	Pangim (pt)
Poboación
Poboación	1.458.545 (2011) (393,99 hab./km²)
Lingua oficial	Lingua konkani
Xeografía
Parte de	West India (en)
Superficie	3.702 km²
Altitude	1.167 m
Comparte fronteira con	Maharashtra Karnataka
Datos históricos
Precedido por	Goa, Damão e Diu (pt)
Creación	29 de maio de 1987
Organización política
Forma de goberno	unicameralidade
• Xefe de estado	Mridula Sinha (2014–2019) B. D. Mishra (en) (2023–)
Órgano executivo	Goa Legislative Assembly (en) (Escano: 40)
• Chief Minister of Goa (en)	Pramod Sawant (en) (2019–)
Órgano lexislativo	Goa Legislative Assembly (en) Circunscrición: 40, (Escano: 40)
Identificador descritivo
Código postal	403XXX
Fuso horario	UTC+05:30
Prefixo telefónico	+91 0832
ISO 3166-2	IN-GA
Páxina web	goa.gov.in

Goa a partir de 1510, foi a capital do Estado Portugués da India, incorporándose á Unión India en 1961.

 

Despois do imperio Maurya (321-185 a.C.) Goa foi disputada por varios imperios en batallas sanguentas. Por volta do século X Goa, entón concentrada en torno do río Zuari, prosperou polo comercio cos árabes. En 1347 caeu baixo dominio islámico, e moitos templos a deuses hindús foron destruídos.

En 1510 Afonso de Albuquerque, axudado por un xefe hindú, tomou Goa aos árabes, que se renderon sen combate, por se atopar o sultán en guerra co Decán. Goa foi cobizada por ser o mellor porto comercial da rexión. Botáronse aos musulmáns da rexión, e en 1453 un quinto da rexión estaba baixo dominio portugués, recibindo o nome de Vellas Conquistas.

A decadencia do porto de Goa no século XVII foi consecuencia das derrotas militares dos portugueses polos neerlandeses, no oriente, que tornaron o Brasil o centro económico de Portugal.

Houbo dous curtos períodos de dominación británica (1797-1798 e 1802-1813) e poucas outras ameazas externas despois deste período. Durante o dominio británico na India, moitos habitantes de Goa emigraron para Mumbai, Calcuta, Puna, Karachi e outras cidades. O illamento de Goa diminuíu coas vías férreas a partir de 1881, mais a emigración en busca de mellores oportunidades económicas aumentou.

En 1900 Goa tivo o seu primeiro xornal bilingüe gujarati-portugués.

Os ingleses deixaron a India en 1947, os franceses deixaron Pondicherri en 1954, mais o goberno de Salazar negouse a negociar coa India. En 1961 o exército indiano invadiu Goa, atopando pouca resistencia.

Cronoloxía

• 1510: Ocupación portuguesa de Goa.
• 1535: Diu adquirido por Portugal.
• 1588: Daman adquirido por Portugal.
• 1779: Dadra e Nagar Haveli adquirido por Portugal.
• 1802-1813: Ocupación británica.
• 1946: Provincia ultramarina de Portugal baixo o nome de Estado da India Portuguesa.
• 1954: Dadra e Nagar Haveli ocupado por nacionalistas da India.
• 1961: Goa, Daman e Diu ocupado pola India.
• 1974: Incorporación recoñecida por Portugal.

Daman e Diu desde o inicio, e moito máis tarde tamén Nagar-Aveli, estiveron ligados a Goa, baixo o nome de Estado da India Portuguesa, ligados non só pola administración, con centro en Goa, mais tamén por outros sentimentos, porén separados por cerca de 700 e 1500 km. Logo despois da integración na India aínda estiveron ligados a Goa, porén, cando esta deveu un Estado dentro da República da India, Daman e Diu pasaron a administrarse directamente polo Goberno Central da India, baixo o nome de Territorio da Unión de Daman e Diu (Union Territory Of Daman & Diu). Dadrá e Nagar-Aveli, integrados algúns anos antes na India (1954), forman un territorio á parte.

Outros artigos

• Damán
• Diu

Ligazóns externas

• SuperGoaArquivado 14 de abril de 2004 en Wayback Machine. (en portugués) (en inglés)
• Goa (en inglés)