Erkin Vohidov
Erkin Vohidov, nado en Oltiariq o 28 de decembro de 1936 e finado en Tashkent o 30 de maio de 2016, foi un xornalista e escritor uzbeko, poeta nacional da República Socialista Soviética de Uzbekistán en 1987, recibiu en 1999 o título de Heroe de Uzbekistán, o máis alto título honorífico que pode recibir un cidadán de Uzbekistán.
  | |
| Nome orixinal | (uz) Erkin Vohidov, Эркин Воҳидов |
|---|---|
| Biografía | |
| Nacemento | 28 de decembro de 1936 Altyariq District, Uzbekistán (en)  |
| Morte | 30 de maio de 2016 (79 anos) Tashkent, Uzbekistán |
| Datos persoais | |
| País de nacionalidade | Unión Soviética Uzbekistán |
| Educación | National University of Uzbekistan (en) |
| Actividade | |
| Ocupación | dramaturgo , poeta , político |
| Lingua | Lingua usbeka |
Premios | |
Traxectoria
Naceu no seo dunha familia de profesores, seu pai Chuyanboy Vohidov loitou na guerra guerra soviético-alemá contra da Alemaña nazi e os seus aliados e morreu en Tashkent logo de regresar da guerra. Pouco despois finou tamén súa nai, Roziyahon Vohidova e Erkhin foi vivir en 1945 cun tío, Karimboy Sohiboyev en Tashkent e completou alí a súa educación secundaria. Graduouse en 1960 en filoloxía na Universidade Estatal de Tashkent.
Tras rematar os seus estudos, Vohidov traballou entre 1960 a 1963 como editor en Yosh Gvardiya, a sección uzbeka da editora estatal Molodaya Gvardiya. Foi despois editor-xefe (1963-1970) e director (1985-1987) de Gʻafur Gʻulom, outra editorial en Tashkent, e de 1975 a 1982 volveu a Molodaya Gvardiya como editor xefe. Desde 1982 e ata 1985 foi o editor xefe da revista mensual Yoshlik .
Vohidov comezou a escribir poesía durante os seus anos de estudante. Publicou a súa primeira colección de poemas, Tong nafasi, en 1961 e ao longo da súa vida publicou máis de 30 libros de poesía . Moitos artistas uzbekos cantaron os seus poemas, entre as máis famosas están "Inson qasidasi" e "Oʻzbegim" ámbalas dúas cantados por Sherali Joʻrayev. Traduciu a moitos poetas recoñecidos como Aleksandr Tvardovsky, Johann Wolfgang von Goethe, Muhammad Iqbal, Rasul Gamzatov, e Sergei Esenin ao uzbeko. Vohidov escbribiu tamén tres obras de teatro: Oltin devor, Istambul fojeasi e Ikkinchi tumor. En 1990 entrou na vida pública e foi membro da Asemblea Suprema desde 1995 ata 2005 e do Senado de Uzbekistán desde 2005 ata 2010.
Obras
- Tong nafasi (1961)
- Qoʻshiqlarim sizga (1962)
- Yurak va aql (1963)
- Mening yulduzim (1964)
- Nido (1965)
- Lirika (1965)
- Palatkada yozilgan doston (1967)
- Yoshlik devoni (1969)
- Charogʻbon (1970)
- Quyosh maskani (1972)
- Dostonlar (1973)
- Tirik sayyoralar (1978)
- Ruhlar isyoni (1980)
- Sharqiy qirgʻoq (1981)
- Kelajakka maktub (1983)
- Muhabbat (1984)
- Hozirgi yoshlar (1986)
- Iztirob (1991)
- Yaxshidir achchiq haqiqat (1992)
- Saylanma
- Birinchi jild: Ishq savdosi (2000)
- Ikkinchi jild: Sheʼr dunyosi
- Uchinchi jild: Umrim daryosi
Notas
This article uses material from the Wikipedia Galego article Erkin Vohidov, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.