Dualidade Onda-Corpúsculo

Máis especificamente, como partículas poden presentar interaccións moi localizadas e como ondas exhiben o fenómeno da interferencia.

De acordo coa física clásica existen diferenzas entre onda e partícula. Unha partícula ocupa un lugar no espazo e ten masa mentres que unha onda esténdese no espazo caracterizándose por ter unha velocidade definida e masa nula.

Actualmente considérase que a dualidade onda-partícula, en palabras de Stephen Hawking, é un “concepto da mecánica cuántica segundo o cal non hai diferenzas fundamentais entre partículas e ondas: as partículas poden comportarse como ondas e viceversa”.

Este é un feito comprobado experimentalmente en múltiples ocasións. Foi introducido por Louis-Victor de Broglie, físico francés de comezos do século XX. En 1924, na súa tese de doutoramento propuxo a existencia de ondas de materia, é dicir que toda materia tiña unha onda asociada a ela. Esta idea revolucionaria, fundada na analoxía coa que a radiación tiña unha partícula asociada, propiedade xa demostrada entón, non espertou grande interese, malia o acertado dos seus supostos, xa que non tiña evidencias de que realmente se producise. Porén, Einstein recoñeceu a súa importancia e cinco anos despois, en 1929, De Broglie recibiu o Nobel de Física polo seu traballo.

O seu traballo dicía que a lonxitude de onda ${\displaystyle \lambda }$ da onda asociada á materia era

${\displaystyle \lambda ={\frac {h}{p}}={\frac {h}{mv}}}$

onde ${\displaystyle h}$ é a constante de Planck e ${\displaystyle p}$ é o momento linear da partícula de materia.

Wiki Commons ten máis contidos multimedia na categoría:  Dualidade onda-corpúsculo

Outros artigos

• Cuantización
• Dualismo
• Efecto fotoeléctrico
• Experimento da dobre fenda
• Función de onda
• Mecánica cuántica
• Modelo atómico de Bohr
• Principio de indeterminación de Heisenberg
• Teoría da relatividade

----

Este artigo sobre física é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.