Die Walküre: ópera de Richard Wagner

É a segunda das catro óperas que compoñen o ciclo Der Ring des Nibelungen (O anel do Nibelungo), sendo a ópera do ciclo máis representada, mesmo separada do ciclo completo. O fragmento máis coñecido da ópera é o «Walkürenritt o Ritt der Walküren» («Cabalgada das valquirias»), introdución ao terceiro e último acto describindo ás guerreiras semideusas. A ópera foi estreada illada no Königliches Hof-und Nationaltheater de München o 26 de xuño de 1870, e non foi ata seis anos despois, o 14 de agosto de 1876, cando se representou dentro do ciclo completo.

Die Walküre A Valquiria
Brunilda na rocha, portada artística da partitura vocal de Schott (1899).
Forma	Drama musical
Actos e escenas	3 actos
Idioma orixinal do libreto	Alemán
Libretista	Richard Wagner
Fontes literarias	O poema anónimo medieval Das Nibelungenlied e a escandinava Volsunga Saga
Estrea	26 de xuño de 1870
Teatro da estrea	Königliches Hof-und Nationaltheater
Lugar da estrea	München
Duración	4 horas
Música
Compositor	Richard Wagner
Personaxes
Siegmund (tenor heroico ou lírico-spinto) Sieglinde, filla mortal de Wotan (soprano lírico-spinto) Wotan (barítono baixo) Fricka (mezzosoprano) Hunding (baixo) As valquirias Brünnhilde (soprano dramática) Helmwige (soprano) Gerhilde (soprano) Ortlinde (soprano) Waltraute (mezzosoprano) Siegrune (mezzosoprano) Rossweisse (contralto) Grimgerde (mezzosoprano) Schwertleite (contralto)

Wagner inspirouse na mitoloxía nórdica ao escribir esta obra, especificamente na Saga Volsunga e na Edda poética. Na versión simplificada do compositor, as valquirias son as fillas do deus Wotan e a nai terra, a deusa Erda, concibidas como doncellas guerreiras para defender o Olimpo xermánico, o Valhall, do asexo dos Nibelungos e recoller as almas dos heroes mortos en batalla para levalos ao seu descanso eterno no Valhall.