O Cerco de Xerusalén do ano 70 d.
C.">d. C. foi o evento decisivo da primeira guerra xudeu-romana. O exército romano, dirixido polo futuro emperador Tito, xunto a Tiberio Xulio Alexandre como o seu segundo ao mando, asediaron e conquistaron a cidade de Xerusalén, que estaba baixo o control das faccións xudías rebeldes desde o ano 66, despois das revoltas de Xerusalén dese ano, cando se formou o Goberno Libre de Xudea na cidade.
Cerco de Xerusalén | ||||||||||||||
---|---|---|---|---|---|---|---|---|---|---|---|---|---|---|
Parte de primeira guerra xudeu-romana | ||||||||||||||
Mapa indicando o progreso do exército romano durante o cerco | ||||||||||||||
| ||||||||||||||
Belixerantes | ||||||||||||||
Imperio romano | Goberno Libre de Xudea
| Celotes | ||||||||||||
Líderes | ||||||||||||||
Tito | Simón Bar Giora | Xoán de Gischala Eleazar ben Simón | ||||||||||||
Forzas en combate | ||||||||||||||
70 000 | entre 15-20 000 | 10 000 | ||||||||||||
Baixas | ||||||||||||||
Descoñecido | Todos | Todos |
O cerco rematou o 30 de agosto do 70 coa queima e destrución do Segundo Templo de Xerusalén e o saco dos romanos da cidade baixa. A destrución do templo aínda se recorda anualmente no Tisha B'Av xudeu. O Arco de Tito, celebrando o saco de Xerusalén e do Templo, aínda permanece en pé sobre Roma. A conquista da cidade completouse o 8 de setembro do ano 70.
Malia que durante a primeira guerra xudeu-romana, os celotes tiveron éxitos iniciais en repeler os asedios romanos e expulsar a gran número de lexionarios fose de Xudea; pero, a falta dun bo liderado, empezaron a pelexar entre eles. Ademais, aínda que eran hábiles en tácticas de guerrillas e emboscadas contra as lexións romanas, careceron de disciplina, formación e preparación para as batallas.
Tito comezou o seu asedio poucos días antes da Pascua xudía, xunto con tres lexións: V Macedonica, XII Fulminata e XV Apollinaris, rodearon a cidade polo lado occidental e unha cuarta lexión (X Fretensis) fixo o propio polo Monte das Oliveiras no leste. Logrou exercer gran presión sobre a subministración de alimentos e auga dos habitantes da cidade, ao permitir aos peregrinos ingresar na cidade para celebrar pascua e, logo, negarlles a saída. Despois de que varias incursións xudías matasen a algúns soldados romanos, Tito enviou a Flavio Xosefo, o historiador xudeu, a negociar cos defensores; isto terminou cos xudeus ferindo ao negociador cunha frecha e outra incursión lanzada pouco despois. Tito tamén foi capturado durante este ataque repentino, pero logrou escapar.
A mediados de maio, Tito ordenou destruír a recentemente construída Terceira Muralla cun ariete, o cal abriu unha brecha nela e na Segunda Muralla. Logo, virou a súa atención á Fortaleza Antonia, situada xusto ao norte do Monte do Templo. Os defensores xudeus dividíronse entón en dúas faccións: o grupo de Xoán de Gischala asasinou a outro líder das faccións, Eleazar ben Simón, e os seus homes se atrincheiraron nos patios do templo. A inimizade entre Xoán de Gischala e Simón bar Giora quedou esquecida só cando os romanos comezaron a construír ramplas para acceder ao interior do recinto. Os romanos foron entón arrastrados á rúa na loita contra os celotes, pero ordenóuselles retirarse ao templo para evitar grandes perdas. Flavio Xosefo fracasou noutro intento de negociar e os ataques xudeus impediron a construción de torres de asedio na Fortaleza Antonia. Os alimentos, a auga e outras provisións foron minguando ao interior de Xerusalén, pero conseguiuse introducir ás furtadelas devanditos recursos da cidade, burlando ás forzas romanas no proceso. Para poñer fin a esta situación, emitíronse ordes para construír un novo muro e tamén se reiniciou a construción da torre de asedio.
Logo de varios intentos errados de penetrar ou escalar as murallas da Fortaleza Antonia, os romanos lanzaron finalmente un ataque secreto, co que sorprenderon aos gardas celotes durmindo e lograron conquistar a fortaleza. Este era o segundo maior edificio do perímetro defensivo da cidade, despois do Monte do Templo, e constituía un excelente punto de partida para asaltar o propio Templo. Os arietes non tiveron grande éxito, pero na loita as paredes incendiáronse cando un soldado romano lanzou un tizón a unha delas.
Destruír o Templo non estaba entre os obxectivos de Tito, posiblemente debido ás grandes ampliacións levadas a cabo por Herodes I o Grande unhas poucas décadas antes. O máis probable é que Tito quixese apoderar del e transformalo nun templo dedicado ao culto imperial e ao panteón romano. Malia que Tito non desexaba quéimaa do Templo, o incendio pronto estivo fóra de control. O edificio quedou destruído na data coñecida como Tisha b'Av, a finais de agosto, e as chamas propagáronse ás zonas residenciais da cidade.
As lexións romanas esmagaron rapidamente á resistencia xudía restante. Parte dos xudeus que se salvaron escaparon por medio de túneles subterráneos escondidos, mentres que outros se dirixiron aos altos da cidade para resistir. Esta defensa detivo o avance romano debido a que os atacantes tiveron que construír torres de asedio para asaltar aos que aínda se defendían. A cidade estivo baixo completo control romano para o 8 de setembro e os romanos continuaron perseguindo aos xudeus que fuxiran da cidade.
A Galipedia ten un portal sobre: Historia |
Wiki Commons ten máis contidos multimedia na categoría: Cerco de Xerusalén do ano 70 |
This article uses material from the Wikipedia Galego article Cerco de Xerusalén do ano 70, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.