Grupo Musical Cayetana
Cayetana foi unha banda estadounidense de indie rock formada en Filadelfia, Pensilvania, no ano 2011.
| Cayetana | |
|---|---|
| Orixe | Filadelfia, Pensilvania,  |
| Período | 2011 - 2018 |
| Xénero(s) | indie rock, pop punk, punk rock, emo |
| Selo(s) discográfico(s) | Tiny Engines, Plum Records |
| Membros | Augusta Koch Allegra Anka Kelly Olsen |
Historia
Kelly Olsen e Allegra Anka coñecéronse mentres estudaban na universidade en Nova York antes de regresar ás súas casas en Filadelfia, onde coñeceron a Augusta Koch. Cayetana comezou a tocar no ano 2011. A banda publicou o seu primeiro EP, titulado Cayetana EP, en 2012.
A principios de 2014 foron fichadas polo selo Tiny Engines e en marzo editaron un sinxelo en 7" titulado "Hot Dad Calendar".
O 9 de setembro de 2014 Cayetana publicou o seu álbum de estrea, Nervous Like Me, a través de Tiny Engines. Dous anos despois Cayetana editou un EP a través de Asian Man Records titulado Tired Eyes. Tamén en 2016 a banda lanzou un disco compartido con Camp Cope a través do selo Poison City Records.
No ano 2017 a banda publicou o seu segundo álbum de estudio, New Kind of Normal, a través do selo propio selo discográfico, Plum Records.
En 2018 as súas membros comezaron a traballar noutros proxectos, tocando agora Koch no dúo Gladie. A banda anunciou a súa disolución en 2019 realizando o seu derradeiro concerto en Filadelfia o 3 de agosto dese ano.
Discografía
Álbums
| Álbum | Ano | Selo |
|---|---|---|
| Nervous Like Me | 2014 | Tiny Engines |
| New Kind of Normal | 2017 | Plum Records |
Notas
This article uses material from the Wikipedia Galego article Cayetana (grupo musical), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.