Boston Red Sox: Equipo de béisbol da MLB

Os Red Sox compiten na división Leste da American League da Major League Baseball (MLB). Nado no ano 1901 como un dos oito membros fundadores da American League, o equipo xoga os seus partidos como local no Fenway Park desde 1912. No seu palmarés destacan oito trofeos das Series Mundiais, tendo participado en doce delas. O nome do equipo foi escollido ao redor de 1908 polo propietario do equipo naquela altura, John I. Taylor, seguindo a estela doutros equipos coñecidos como "Boston Red Stockings", incluíndo o predesor dos Atlanta Braves.

Boston Red Sox
Fundado en 1901 En Boston desde 1901
Insignia
Afiliacións de Grandes Ligas
American League (1901–presente) División Leste (1969–presente)
Uniforme actual
Dorsais retirados	1, 4, 6, 8, 9, 14, 26, 27, 34, 45, 42
Cores
Vermello, azul escuro, branco
Nome
Boston Red Sox (1908–presente) Boston Americans (1901−1907)
Alcumes
The Sox The BoSox The Olde Towne Team
Estadio
Fenway Park (1912–presente) Huntington Avenue Grounds (1901–1911)
Títulos das Grandes Ligas
Series Mundiais (9)	1903, 1912, 1915, 1916, 1918, 2004, 2007, 2013, 2018
American League (14)	1903, 1904, 1912, 1915, 1916, 1918, 1946, 1967, 1975, 1986, 2004, 2007, 2013, 2018
División Leste (10)	1975, 1986, 1988, 1990, 1995, 2007, 2013, 2016, 2017, 2018
Wild card (7)	1998, 1999, 2003, 2004, 2005, 2008, 2009
Administración
Dono(s)	John Henry
Adestrador	John Farrell
Presidente	Dave Dombrowski

Nos anos sucesivos á fundación da Liga Americana, os de Boston eran un dos equipos dominadores da competición. De feito, derrotaron aos Pittsburgh Pirates na primeira edición das Series Mundiais en 1903, vencendo noutras catro máis até 1918. Porén, a partir dese ano, entraron nunha das maiores xeiras sen gañar un campionato da historia do béisbol, a coñecida como "Maldición do Bambino". A orixe deste termo provén do trasapaso de Babe Ruth aos New York Yankees dous anos despois do título de 1918, encadeando posteriormente 86 anos sen gañar un título. A mala xeira foi rota coa vitoria nas Series Mundiais de 2004. Durante este período o equipo fixo parte dalgúns dos momentos máis históricos das World Series como o mad dash de 1946, o "Impossible Dream2 de 1967, o home run de Carlton Fisk en 1975 ou o erro de Bill Buckner en 1986. Tras a vitoria de 2004 chegarían tres máis, unha en 2007, outra en 2013 e outra en 2018, sendo o primeiro equipo en conseguir tres títulos no século XXI. A historia dos Red Sox está tamén marcada pola súa rivalidade cos Yankees, estando considerada a máis feroz e histórica do deporte norteamericano.

Os Boston Red Sox son propiedade do Fenway Sports Group, tamén dono do Liverpool F.C. da Premier League de fútbol inglesa. A nivel de públicom son un dos equipos que máis seareiros arrastran nos seus partidos como visitante, non sendo un dos equipos con maior media de asistentes por partido como local debido á pouca capacidade do Fenway Park (37.731 espectadores). Desde o 15 de maio de 2003 até o 10 de abril de 2013, os Red Sox venderon todas as entradas do seu partidos, conseguindo encher o seu estadio durante 820 partidos consecutivos, récord do deporte profesional estadounidense. É tamén destacábel que os seareiros adoptaron a canción "Sweet Caroline" de Neil Diamond como un himno do equipo.

• Fenway Park (1912-presente).
• Huntington Avenue Baseball Grounds (1901-1911).

Ligazóns externas

• Boston Red Sox website