Atco Records
Atco Records é un selo discográfico fundado nos Estados Unidos en 1955.
É propiedade de Warner Bros. Records e na actualidade está operado por Rhino Entertainment.
| Atco Records | |
|---|---|
| Compañía nai | Warner Bros. Records |
| Fundado en | 1955 |
| Fundador | Herb Abramson |
| Distribuidoras | Rhino Entertainment (nos EUA) WEA International Inc. (resto do mundo) |
| Xénero(s) | varios |
| Orixe | Estados Unidos  |
Historia
Atco Records foi fundada en 1955 por Herb Abramson, como un subselo de Atlantic Records, coa intención de cubrir aqueles grupos e artistas que Atlantic non podía contratar por mor do seu estilo musical, xa que ata 1968 Atlantic só asinaba con grupos e artistas de jazz, blues, soul e R&B. Ademais, Atco encargábase de contratar a todos os artistas non afroamericanos. O nome de Atco Records é simplemente unha abreviatura de ATlantic COrporation.
En 1964, Atco editou sinxelo "Ain't She Sweet" de The Beatles nos Estados Unidos, que chegou ao posto 19 da lista do Billboard en agosto dese mesmo ano. Seguindo o tirón, publicou o disco Ain't She Sweet con cancións de The Beatles, Tony Sheridan e versións de cancións de grupos da invasión británica interpretados polos Swallows.
Na década de 1980, Atco funcionou como distribuidora dos selos RSO Records, Rolling Stones Records, Volt Records e Ruthless Records.
O último número un publicado por Atco Records foi "If Wishes Came True" de Sweet Sensation en 1990. Un ano despois, Atlantic fusionou Atco con Eastwest Records, quedando como Atco/Eastwest Records. En 1993 eliminouse "Atco", quedando simplemente como Eastwest Records. Dende aquela, o logo de Atco e o seu nome só se viron en reedicións de material antigo.
Con todo, no ano 2006 Atlantic recuperou Atco uníndoo con Rhino Entertainment, colocando como máximo mandatario da firma a Karen Ahmet, antiga directiva de Warner, e con base nos Ánxeles.
Véxase tamén
Ligazóns externas
This article uses material from the Wikipedia Galego article Atco Records, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.