A Bola é un concello da provincia de Ourense, pertencente á comarca da Terra de Celanova.
Segundo o IGE en 2015 tiña 1339 habitantes (1549 en 2004 e 1540 en 2003). O xentilicio é bolés.
A Bola | |
---|---|
Casa do Concello. | |
Situación | |
Xentilicio | bolés/bolesa |
Xeografía | |
Provincia | Provincia de Ourense |
Comarca | Comarca da Terra de Celanova |
Poboación | 1.069 hab. (2023) |
Área | 34,9 km² |
Densidade | 30,63 hab./km² |
Entidades de poboación | 107 |
Capital do concello | Campo de Veiga |
Política (2023 ) | |
Alcaldesa | María Teresa Barge Bello (PPdeG) |
Concelleiros | BNG: 3 PPdeG: 6 |
Eleccións municipais na Bola | |
Uso do galego (2011) | |
Galegofalantes | 90,78% |
Na rede | |
concelloabola.gal | |
[ editar datos en Wikidata ] |
O Concello da Bola débelle o seu nome á bóla granítica situada no lugar da Bola. Foi alterada por unha serie de fracturas perpendiculares á superficie, formándose barrocais de bólas amoreadas unhas sobre as outras, en equilibrio natural sobre unha das súas superficies máis pequenas.
Censo total | 1339 (2015) |
---|---|
Menores de 15 anos | 78 (5.83 %) |
Entre 15 e 64 anos | 687 (51,31 %) |
Maiores de 65 anos | 574 (42,87 %) |
Evolución da poboación da Bola Fontes: INE e IGE. | ||||||||||||||||||
1900 | 1930 | 1950 | 1981 | 2004 | 2009 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023 |
4043 | 3988 | 3906 | 2248 | 1549 | 1463 | 1436 | 1398 | 1361 | 1350 | 1339 | 1270 | 1251 | 1199 | 1156 | 1113 | 1075 | ||
(Os criterios de rexistro censual variaron entre 1900 e 2004, e os datos do INE e do IGE poden non coincidir.) |
O concello, de 39,9 km², limita ao norte coa Merca, ao sur con Verea, ao leste con Allariz e Vilar de Santos, e ao oeste con Celanova.
Está situado nunha zona de media montaña, preminentemente chá, nos contrafortes da cara leste da serra do Leboreiro, ao pé dos cumios do Forriolo, Monte Calvo e San Cibrao. A altitude media está entre os 500 e 600 m. A altitude máxima é o monte do San Cibrao (914 m), e a mínima no regato de Fechiñas, no límite con Celanova e A Merca (300 m), ao noroeste.
Ten un clima continental, cunha temperatura media anual de 10,5 °C e unha amplitude térmica de 13,4 °C. , Hai un prolongado período de frío entre novembro e abril, e a precipitación anual media é de 1038 mm, cunha acusada seca no verán.
A hidrografía está determinada polo curso medio do río Arnoia e por varios afluentes, destacando entre eles o río Orille. Este curso, procedente de Verea, delimita boa parte dos límites occidentais do concello. Nel desembocan os regatos das Momoelas, da Amunía, do Castro e do Porto, na zona sur do concello, e con dirección leste-oeste. Na zona norte os ríos Fechiñas e Porto conflúen pouco antes de saír do concello e desaugar no Arnoia.
Cara ao leste está a zona máis accidentada, no Monte Calvo e no Forriolo, que dividen as cuncas do río Limia e do Miño.
As últimas eleccións municipais deixaron a situación da Bola deste xeito:
Eleccións municipais, 2 de xuño de 2015 | |||||
Partido | Votos | % | Concelleiros/as | ||
PP | 639 | 66,01 % | 6 | ||
BNG | 278 | 28,72 % | 3 | ||
PSOE | 31 | 3,2 % | 0 |
Polo concello pasaba a Vía XVIII do itinerario de Antonino, pero non tivo unha gran poboación. A zona comezou a repoboarse cara aos séculos IX (época da construción do mosteiro de San Munio de Veiga) e X.
Na Idade Media o concello estivo baixo influencia do mosteiro de San Salvador de Celanova, estando baixo a súa xurisdición parte do territorio. Outras zonas do municipio estaban baixo as xurisdicións de Berredo, Fruíme, Vilaverde e Sorga, da baixa nobreza, e a de Vilariño do Campo, pertencente ao conde de Maceda. O mosteiro de San Munio da Veiga era independente do de Celanova debido a que era responsable da Encomenda de San Marcos de León, integrada na Orde de Santiago.
Na Idade Moderna construíronse os pazos de Berredo, Podentes e Sorga.
No século XIX as xurisdicións deron paso aos concellos constitucionais de Berredo e Soutomel, que en 1835 se fusionaron no da Bola.
Para unha lista completa de todos os lugares do concello da Bola vexa: Lugares da Bola.
Wiki Commons ten máis contidos multimedia na categoría: A Bola |
This article uses material from the Wikipedia Galego article A Bola, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.