It Ynternasjonaal Filmfestival fan Santa Barbara (Ingelsk: Santa Barbara International Film Festival), ôfkoarte ta SBIFF, is in filmfestival dat sûnt 1986 elts jier holden wurdt yn 'e stêd Santa Barbara, yn 'e Amerikaanske steat Kalifornje.
It is wijd oan sawol spylfilms as dokumintêres en sawol lange as koarte films út in ferskaat fan lannen. Yn 2014 waarden der op it festival mear as 200 films fertoand. Sûnt 2002 wurdt it Ynternasjonaal Filmfestival fan Santa Barbara oan 'e ein fan jannewaris holden.
Ynternasjonaal Filmfestival fan Santa Barbara | ||
plak en tiid | ||
lân | Feriene Steaten | |
steat | Kalifornje | |
county | Santa Barbara County | |
plak | Santa Barbara | |
tiid fan it jier | ein jannewaris | |
bysûnderheden | ||
ôfkoarting | SBIFF | |
soarte evenemint | filmfestival | |
bestean | 1986 – no | |
org. troch | Santa Barbara Film Commission | |
offisjele webside | ||
sbiff.org |
De folgjende prizen wurde útrikt op it Ynternasjonaal Filmfestival fan Santa Barbara:
De wichtichste priis is de Montecito Award, dy't yn it ferline útrikt is oan û.o. Annette Bening, Naomi Watts, Javier Bardem, Kate Winslet, Julianne Moore, Daniel Day-Lewis, Oprah Winfrey, Jennifer Aniston, Sylvester Stallone, Isabelle Huppert en Saoirse Ronan. De Outstanding Performance of the Year Award is yn it ferline wûn troch û.o. Charlize Theron, Kate Winslet, Helen Mirren, Angelina Jolie, Penélope Cruz, Colin Firth, James Franco, Jennifer Lawrence, Cate Blanchett, Brie Larson, Emma Stone, Margot Robbie en Scarlett Johansson. De American Riviera Award is yn it ferline wûn troch û.o. Diane Lane, Kevin Bacon, Forest Whitaker, Tommy Lee Jones, Sandra Bullock, Annette Bening, Martin Scorsese, Quentin Tarantino, Robert Redford, Michael Keaton, Jeff Bridges, Viggo Mortensen en Renée Zellweger.
Boarnen, noaten en/as referinsjes: |
Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Ynternasjonaal Filmfestival fan Santa Barbara, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.