Willem Hendrik Velema (Drachten, 15 novimber 1929 - Apeldoorn, 18 april 2019) wie in Nederlânsk heechlearaar, predikant en teolooch.
Hy wie lid fan de Kristlike Grifformearde Tsjerken.
Wim Velema waard yn 1929 yn Drachten berne as soan fan de predikant Hendrik Velema (1889-1948). Jan (1917-2007) en Koen (1922-1997), syn bruorren, wienen ek predikant. Nei it gymnasium studearre er teology en promovearre yn 1957 ta doktor oan de Frije Universiteit Amsterdam op it proefskrift De Heilige Geest bij Abraham Kuyper. Syn promotor wie prof. dr. G.C. Berhouwer. Hy begûn syn karriêre as predikant yn Eindhoven (1953-1961) en dêrnei stie er yn Leien (1961-1966).
Velema waard yn 1966 beneamd ta heechlearaar nijtestamentyske fakken, amtlike fakken en etyk oan de Teologyske Universiteit Apeldoarn. Yn 1996 gyng er mei emeritaat. Neist syn funksje as heechlearaar wied er as bestjoerslid belutsen by ferskate tsjerklike en maatskiplike organisaasjes en wie er faak sprekker op ferskate plakken.
Velema wie fan 1980 oant 1990 panellid fan it EO-radioprogramma Deze Week.
Prof. dr. W.H. Velema stoar yn de âldens fan 89 jier.
CGK-dokumintalist Jan Noorlandt is dwaande mei in biografy fan prof. dr. Willem Hendrik Velema (2019).
Boarnen, noaten en/as referinsjes: |
|
This article uses material from the Wikipedia Frysk article Willem Velema, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.