Mount Everest: Heechste berch op ierde, mei in top op 8.848 meter (29.029 ft) boppe seenivo
De Mount Everest (Nepaleesk सगरमाथा, Chomolungma of Qomolangma (Tibetaansk ཇོ་མོ་གླང་མ) of Zhumulangma (Sineesk: 珠穆朗玛峰 Zhūmùlǎngmǎ Fēng) is mei 8.848 meter de heechste berch op ierde.
De berch leit yn de Himalaya, op de grins tusken Nepal en Sina, wêrfan de top op Nepaleesk grûngebiet leit. De berch waard foar it earst beklommen yn 1953 troch Edmund Hillary en Tenzing Norgay, dêrnei folgen mear klimmers. De Mount Everest is foar klimmers mei ûnderfining gjin drege put, yn ferliking ta oare achttûzen meter bergen lykas de K2 yn Pakistan. Klimatologysk is de Mount Everest wol gefaarlik, de temperatuer kin samar omslaan en troch de kâlde wyn reitsje kinne dielen fan it lichem samar befrieze. By it beklimmen fan de Mount Everest wurdt in soerstofapparaat oanrikkemandearre omdat atmosfearyske druk oan de top mar ien tredde fan dy op seenivo is. D.w.s. dat men op de Mount Everest mar sa'n 33% fan it soerstofpersintaazje op seenivo hat.
Galery
-
Mount Everest moarns ier -
Loftfoto fan de súdkant; mei de Nuptse en Lhotse -
Lizzing fan Mount Everest
This article uses material from the Wikipedia Frysk article Mount Everest, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.