Van Kooten waard berne yn 1941 te De Haach as âldste bern fan Cornelis Reinier van Kooten en Anna Geertruida Snaauw. In jier letter waard syn suske Anke berne. Yn 1959 learde er Barbara Kits kennen mei wa't er yn 1966 tegearre wenjen gie op de Prinsegracht yn De Haach en op 18 oktober1968 troude. Dêrnei setten se har ta wenjen oan de Nekkerweg in Zuidoostbeemster en kamen der twa bern, op 17 desimber1971 soan Kasper en op 26 jannewaris1974 dochter Kim. Beide binne letter ek ferneamd wurden. Syn frou spile út en troch gastrollen yn syn telefyzjeprogrammas. Yn 1978 ferfarde de hûshâlding nei Hilfertsom en yn 1996 nei Amsterdam.
Koot en Bie
Van Kooten waard útsoarte ferneamd troch de gearwurking mei kollega Wim de Bie. Tegearre wiene sy it duo Koot en Bie dat jierrenlang programma's foar de VPRO-telefyzje makke. Harren gearwurking begûn al op de middelbere skoalle, het Dalton Lyceum, dêr't sy in kabaretgroepke begûn wiene mei de namme Cebrah. De earste programma's hiene de titels G.Rapsgewijs en Te hooi en te grap. Neist tv-programma's makke it duo tusken 1972 en 1985 de Bescheurkalender. Van Kooten skreau ferskate boeken, sawol ûnder eigen namme as ûnder skûlnammen. Sa hjitte er Koot, Jan Blommers, Hans van Dek, Tj. Hekking, Heer Koot, Harry F. Kriele en Roman Tate.
Telefyzje, radio, film en teater
1964: Uitlaat, mei û.o. 'De Klisjeemannetjes' (foar de VARA-radio)
This article uses material from the Wikipedia Frysk article Kees van Kooten, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.