Jûnsskimer
De jûnsskimer, skimerjûn, skroarjûn, ûleflecht of ek wol dage (hoewol't dy lêste term faker ferwiist nei de moarnsdage) is de perioade fan twiljocht fuortendaliks folgjend op sinne-ûndergong, dy't karakterisearre wurdt troch tatsjusterjende skimer.
Dêrby beskynt de sinne by de bolling fan 'e ierde lâns noch wol de loft, mar fynt der gjin direkte beskining fan it ierdoerflak troch de sinne mear plak. Dit moat net betize wurde mei de eigentlike sinne-ûndergong, it momint dat de sinne oer de hoarizon ferdwynt.
Om persiis te wêzen beslacht de jûnsskimer it ynterval tusken it momint dat de sinne oer de hoarizon ferdwynt oant it tiidstip dat it mulpunt fan 'e sinne 18° ûnder de hoarizon stiet. Dy tiid kin opdield wurde yn trije ûnderskate perioaden:
- de boargerlike jûnsskimer, wêrby't de sinne krekt oer de hoarizon ferdwûn is oant er 6° ûnder de hoarizon stiet;
- de nautyske jûnsskimer, wêrby't de sinne tusken 6° en 12° ûnder de hoarizon stiet;
- de astronomyske moarnsdage, wêrby't de sinne tusken 12° en 18° ûnder de hoarizon stiet.
| Boarnen, noaten en/as referinsjes: | ||
| Foar boarnen en oare literatuer, sjoch ûnder: References, op dizze side.
|
This article uses material from the Wikipedia Frysk article Jûnsskimer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.