Isabelle Fuhrman (Washington, D.C., 25 febrewaris 1997) is in Amerikaanske jeugdaktrise en spile ûnder oare yn 'e film Orphan de rôl fan Esther Coleman.
Isabelle Fuhrman is berne yn Washington, D.C., en opgroeid yn Atlanta. Har mem, Elina Fuhrman, berne yn de Sowjetuny, is sjoernaliste. Har heit, Nick Fuhrman, wurke by de Republikeinske Partij yn Wiskonsin. Se hat ien âldere suster, Madaline Fuhrman. Fuhrman's karriêre begûn op har sânde, doe't se by de telefyzjestjoerder Cartoon Network caste waard foar in telefyzjeshow. Har debút foar grut publyk kaam in jier letter, yn 2007 mei de film Hounddog. Yn 2009 kaam de film Orphan út, dêr't se gearwurke mei ûnder oare Vera Farmiga en Peter Sarsgaard. Se waard caste by in nasjonale syktocht nei de haadpersoan troch Warner Bros. Doe't Leonardo DiCaprio in audiotape fan Fuhrman hearde, besluet hy dat hy Orphan net sûnder har meitsje woe. Har fertolkjen fan de rôl fan Esther leverde gâns lôvjende resinsjes op. In oar wolbekend optreden fan Fuhrman wie de rôl fan Gretchen Dennis (aka ghost girl), dy't se mei Jennifer Love Hewitt fertolke yn de tv-hit Ghost Whisperer. Ek wurke se al mei oan ferskate commercials foar ûnder oare de Pizza-hut en K-mart.
Jier | Film | Rol | Status |
---|---|---|---|
2006 | Justice | Grace O'Neil | TV |
2007 | Hounddog | Grasshopper | |
2008 | Ghost Whisperer | Gretchen Dennis | TV |
2009 | Orphan | Esther | |
Children of the Corn | (stim) | ||
2010 | Sammy's Adventures: The Secret Passage | Hatchling Shelly (stem) | post-productie |
2011 | Pleading Guilty | Carrie | TV |
Salvation Boulevard | Angie | ||
2013 | After Earth | Rayna |
This article uses material from the Wikipedia Frysk article Isabelle Fuhrman, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.