Dorothy Faye Dunaway (Bascom (Florida), 14 jannewaris 1941) is in Amerikaansk aktrise.
Faye Dunaway | ||
akteur | ||
Faye Dunaway, 2008 | ||
persoanlike bysûnderheden | ||
echte namme | Dorothy Faye Dunaway | |
nasjonaliteit | Amerikaansk | |
berne | 14 jannewaris 1941 | |
berteplak | Bascom | |
jierren aktyf | 1962-no | |
prizen | sjoch artikel | |
offisjele webside | ||
IMDb-profyl |
Faye Dunaway waard berne yn Bascom, Florida. Har heit wie sersjant yn it Amerikaanske leger. Sy studearre oan de toanielôfdieling fan de Universiteit fan Boston en oan de Universiteit fan Florida. Begjin jierren '60 debutearre hja as aktrise op Broadway. Har filmdebút makke sy yn 1967, yn Hurry Sundown. Yn dat jier spile hja ek de rol fan Bonnie yn de film Bonnie en Clyde. Dy rol smiet har in Oscar-nominaasje op. Ek foar har rol yn Chinatown (1974) waard hja foar in Oscar nominearre. Yn 1976 wûn se in Oscar foar de bêste froulike haadrol yn de film Network.
Fanôf de jierren '80 spile sy lytsere rollen yn films en foar telefyzje. Dunaway soe letter sizze dat har swier bekritisearre rol yn Mommie Dearest (1981) har karriêre as liedend aktrise bedoarn hat. Dunaway hat twa kear troud west en is twa kear skieden. Fan 1 augustus 1974 oant har skieding yn 1979 wie sy troud mei Peter Wolf, leadsjonger fan de rockband J. Geils Band. Yn 1984 troude se mei Terry O'Neill (1938-2019), in Britske fotograaf. Mei O'Neill hat se ien bern, mar yn 2003 hat hja sein dat it in oannaam bern is. Dunaway hat har as folwoeksene bekeard ta de Roomsk-katolike tsjerke.
Boarnen, noaten en/as referinsjes: |
Ofbylden dy't by dit ûnderwerp hearre, binne te finen yn de kategory Faye Dunaway fan Wiki Commons. |
This article uses material from the Wikipedia Frysk article Faye Dunaway, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.