Douwe Tammingapriis
De Douwe Tammingapriis is in Fryske literêre priis foar debutanten dy 't ynsteld waard yn 2013.
De priis is ferneamd nei de skriuwer en taalkundige Douwe Annes Tamminga (1909-2002). De priis waard ynsteld neidat de provinsje Fryslân ophold mei it takennen fan de Fedde Schurerpriis yn 2012.
De priis wurdt yn prinsipe elts foarjier útrikt oan ôfwikseljend in proaza- en poëzy-debút. De priis bestiet út in oarkonde en in jildbedrach fan 3000 euro en wurdt bekostige út it Tamminga-Piebengafûns dat beheard wurdt troch de stichting FLMD (Frysk Letterkundich Museum en Dokumintaasjesintrum).
De debuten moatte ferskynd wêze yn de twa foarôfgeande jierren. It bestjoer kin beslute om de priis yn in bepaald jier net út te rikken as it tal debuten te lyts is om útrikking te rjochtfeardigjen. De debuten fan dat jier skowe dan automatysk troch nei de folgjende perioade. It bestjoer fan de stifting FLMD beneamt in ûnôfhinklike sjuery fan trije leden.
Winners
- 2022 - Paul van Dijk foar de dichtbondel famke fan snie
- 2019 - Baukje Zijlstra foar de roman De koma-korrektor
- 2017 - Geart Tigchelaar foar it boek leech hert yn nij jek
- 2015 - Net útrikt fanwege te min kwaliteit.
- 2014 - Ale S. van Zandbergen foar it boek Littenser merke
| Boarnen, noaten en/as referinsjes: |
| |
This article uses material from the Wikipedia Frysk article Douwe Tammingapriis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.