Ding
In ding (Aldfrysk: thing) wie in folksgearkomst foar rjochtspraak en wetjouwing yn de iere en hege Midsiuwen, earst yn de iepen loft.
It Aldfryske rjocht ûnderskiede de 'echte Dingen' ('afta thing' of 'liodthing' (folksding)), trije kear jiers hâlden ûnder lieding fan de skelta en, dêr't alle frijen komme moasten en it troch de greve of dy syn fertsjintwurdiger late 'bodthing', ienris yn de fjouwer jier, dat folge wurde koe troch it 'fimelthing'. De funksje fan dit lêste is ûnwis. Utsein dizze Dingen wiene der ekstra sittings foar driuwende saken, bygelyks swiere misdriuwen. Dizze ferkringe yn de lette Midsiuwen de oarspronklike fêste Dingen.
Dingtaal
In formulier dat yn de Germaanske mûnlinge proseduere- op straffe fan ferlies fan de saak- troch partijen of harren taalmans (prosesfertsjintwurdigers) wurdlik, sûnder fersprekken op haperjen sein wurde moast. De Aldfryske Dingen binne dialogen tusken partijen, skelta en asega. Inkele wichtige dingtalen steane yn it jonge Skoutenrjocht: it Jus Municipale Frisonum befet ôfsûnderlike dingtaal foar in oanklacht wegens deaslach.
| Boarnen, noaten en/as referinsjes: |
|
This article uses material from the Wikipedia Frysk article Ding, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.