Holwert De Hoop
De Hoop is in stellingmûne yn Holwert út ± 1713.
De achtkante boppekruier wie yn gebrûk as nôt- en pelmûne en wurket tsjintwurdich regelmjittich mei frijwillige mûnders.
| De Hoop | ||
 mûne / mole | ||
 | ||
| De mûne yn 2012 | ||
| lokaasje | ||
| provinsje |  Fryslân | |
| gemeente |  Noardeast-Fryslân | |
| plak |  Holwert | |
| adres | Mûnereed | |
| koördinaten | 53° 21' N 5° 54' E | |
| bysûnderheden | ||
| type mûne | stellingmûne | |
| funksje | nôt- en pelmûne | |
| flecht | 23,65 meter | |
| boujier | 1713 | |
| oare ynformaasje | ||
| eigner | Stifting Monumintebehâld Noardeast-Fryslân | |
| monumintale status |  ryksmonumint | |
| monumintnûmer | 38709 | |
| Webside | ||
| Side De Hoop | ||
| Kaart | ||
  | ||
Skiednis
De mûne De Hoop is in mûne dy't yn alle gefallen al foar 1713 bestie. Healwei de 18e iuw wie it mealwurk net mear lykas earder en koe de mûne mar foar in diel ynset wurde. Nei alle gedachten binne doe de roggestiennen bûten wurking steld en die de mûne allinne noch tsjinst as pelmûne.
Troch de opgong fan de moalfabriken gyng it yn 'e rin fan de tiid jimmeroan minder mei de mûne, wylst de pellerij benammen nei 1945 bot yn 't neigean rekke.
De Hoop waard yn de jierren 1950 bûten gebrûk steld en it binnenwurk waard weihelle. Yn 1963 kocht de gemeente Westdongeradiel De Hoop oan. Dêrnei ûndergyng de mûne ferskate restauraasjes, ûnder oare yn 1970 en 1980.
Yn 1994 waard Stifting Monumintebehâld Dongeradiel de nije eigener, dy't nei de gemeentlike weryndieling fan 2019 de namme Stifting Monumintebehâld Noardeast-Fryslân krige.
Beskriuwing
De Hoop is in achtkante, reiddutsen nôt- en pelmûne op in stiennen ûnderbou. De hichte fan de stelling is 6,30. De wjukken hawwe in flecht fan 23,65 meter en binne âldhollânsk ophekke. Njonken de bemealling wurdt de mûne ek as lesmûne brûkt.
Sjoch ek
Keppeling om utens
 | Ofbylden dy't by dit ûnderwerp hearre, binne te finen yn de kategory De Hoop, Holwert fan Wiki Commons. |
This article uses material from the Wikipedia Frysk article De Hoop (Holwert), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.