1926 is in gewoan jier dat begjint mei in freed. (Gregoriaanske kalinder foar 1926. )
Dit jier makket ûnderdiel út fan it desennium fan 'e 1920-er jierren.
Foarfallen
8 jannewaris - Abdûlazyz ibn Saûd , de emir fan 'e Nêzjd, wurdt troch de hegerein fan Mekka , Medina en Djedda útroppen ta kening fan 'e Hidjas. 28 jannewaris - Abdûlazyz ibn Saûd foeget syn beide riken, de Nêzjd en de Hidjas, gear ta it Keninkryk fan de Hidjas en de Nêzjd (de foarrinner fan Saûdy-Araabje ). 20 maart - Chiang Kai-shek , de lieder fan 'e Sineeske nasjonalistyske partij Guomintang, begjint mei in yngeande suvering fan syn partij om dy fan alle kommunistyske ynfloeden te ûntdwaan. 9 maaie - Richard Byrd seit dat er oer de Noardpoal flein is; syn deiboek jout lykwols reden foar twifel. 11 -13 maaie - It loftskip de Norge , mei Amundsen en Nobile , makket as earste mei wissens in tocht oer de Noardpoal . 12 maaie - By in steatsgreep yn Poalen wurdt presidint Stanisław Wojcieckowski ôfset en lûkt maarskalk Józef Piłsudski alle macht nei himsels ta. 26 maaie - Mei de oerjefte fan 'e Riffynske lieder Abd el-Krim komt der in ein oan 'e slepende Rifoarloch yn Spaansk-Marokko. 28 -31 maaie - By in steatsgreep yn Portegal wurdt presidint Bernardino Machedo ôfset en komt generaal Manuel Gomes da Costa oan 'e macht. 12 juny - Brazylje seit syn lidmaatskip fan it Folkebûn op. 20 juny - Demonstraasje fan 'e earste mobile telefoan yn 'e Dútske haadstêd Berlyn . 9 july - By in steatsgreep yn Portegal wurdt generaal Manuel Gomes da Costa ôfset en komt de monargistyske generaal João José Sinel de Cordes oan 'e macht. 12 july - Yn Sina begjint de nasjonalistyske lieder Chiang Kai-shek oan in fjildtocht tsjin 'e kriichshear Wu Peifu. 27 july - De nasjonaal-sosjalistyske Dútske foaroanman Adolf Hitler kart de oprjochting fan 'e Hitlerjugend goed, dat in jongereinôfdieling fan syn politike partij , de NSDAP , wurde moat. 22 augustus - By in steatsgreep yn Grikelân wurdt in ein makke oan 'e diktatuer fan generaal Theodoros Pangulos. De nije machthawwer is generaal George Kondylis. 23 augustus - It hommels ferstjerren op 31-jierrige leeftyd fan 'e Amerikaanske filmstjer Rudolph Valentino ropt hystearyske uterings fan roubeklach op ûnder syn fans . 10 septimber - Dútslân wurdt lid fan it Folkebûn . 11 septimber - De Italjaanske diktator Benito Mussolini ûntkomt oan in moardoanslach . 14 oktober - Winnie the Pooh fan A.A. Milne ferskynt foar it earst. 19 oktober - Yn 'e Sovjet-Uny wurdt Leon Trotski út it Politburo fan 'e Kommunistyske Partij set. 4 novimber - Yn Amsterdam wurdt de earste fêstiging fan 'e HEMA iepene. 13 novimber - It Keninklik Nederlânsk-Yndysk Leger (KNIL) slacht yn Batavia , yn Nederlânsk-Ynje , de Yndonezyske Opstân fan 1926 del, wêrby't mear as 300 deaden falle. 22 novimber - Op 'e Rykskonferinsje (Imperial Conference ) yn Londen wurdt besletten dat de dominions (Austraalje , Kanada , Nijfûnlân , Nij-Seelân , Súd-Afrika en de Ierske Frijsteat) binnen it ramt fan it Britske Ryk in status krije dy't gelyk is oan dy fan it Feriene Keninkryk sels. Benammen Súd-Afrika en de Ierske Frijsteat hiene dêrop oankrongen. 27 novimber - De oanwaaksende ynfloed fan Itaalje op Albaanje wurdt formalisearre troch it sluten fan it Ferdrach fan Tirana. 27 novimber - Yn Itaalje barst de fulkaan de Fesuvius út. 17 desimber - By in steatsgreep yn Litouwen wurde presidint Kazys Grinius en premier Mykolas Sleževičius ôfset. Antanas Smetona wurdt diktator , wylst generaal Augustinas Woldemaras oan it haad fan it nije regear komt te stean. 26 desimber - Yn Tokio wurdt Hirohito kroane ta keizer fan Japan . Berne
6 - Abe Bonnema , Frysk arsjitekt († 2001 ) 6 - Jelle Zwart , Frysk dichter († 2019 ) 10 - Siebe Torensma , Nederlânsk politikus († 2016 ) 18 - Foekje Dillema , Frysk atlete († 2007 ) 20 - Frédéric Bastet , Nederlandsk archeolooch en skriuwer († 2008 ) 21 - Willy Brill , Nederlânsk stimaktrise, harkspulregisseur en oersetter († 2017 ) 30 - Jan Charisius , Frysk hurdfytser, hurdrider en sportbestjoerder († 2008 ) 30 - Jan Lammers , Frysk atleet († 2011 ) Ferstoarn
Boarnen, noaten en referinsjes Boarnen, noaten en/as referinsjes: Wiki Commons Ofbylden dy't by dit ûnderwerp hearre, binne te finen yn de kategory 1926 fan Wiki Commons .
This article uses material from the Wikipedia Frysk article 1926 , which is released under the Creative Commons Attribution-ShareAlike 3.0 license ("CC BY-SA 3.0") ; additional terms may apply (view authors ). Ynhâld is beskikber ûnder CC BY-SA 4.0 , at net oars neamd wurdt. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.