Mandolâr
Il Mandolâr al è un arbul de famee des Rosacee, cun fueis che a colin in autun, ramaçs larcs e disponûts cun regolaritât e la scusse dal tronc slisse, slusinte, rossite e che, cul passâ dai agns, si segne in marcadis fassis orizontâls.
Il Mandolâr, grant no plui di cinc metris, in Friûl al ven sù sedi tal plan che tes zonis di mezane e basse, ancje se cjate simpri di mancul. Lis fueis a son semplicis, slusintis e di colôr vert marcât te parte sorevie; l'ôr al è apene dentelât e il dapît stret e a ponte. Lis rosis a son di colôr rose clâr e a vegnin fûr prime des fueis; a nd'àn cinc petai. Ogni rose si disvilupe intune pome ovâl e di colôr vert smavît; al è un vuluç de scusse ruspie che si romp par lassâ libare le gruesse sepe (mandule) di colôr moron clâr. Rote la scusse di cheste semence si pues rigjavâ la part dentrivie,che par solit si preferîs di dôs cualitâts, ven a stâi lis "mandulis dolcis", dopradis cetant in scaletarie, e lis "mandulis amaris" che a dan un vueli aromatic.
- Non furlan :Mandolâr
- Non sienific :Prunus amygdalus
This article uses material from the Wikipedia Furlan article Mandolâr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.