Appalachiafjøll

Appalakkufjøll røkka frá Alabama í USA til Nýfundland og Labrador í Kanada. Fjallarøðin fer ígjøgnum North Carolina, Virginia, West Virginia, Pennsylvania, New York og Nýongland. Hægsta fjallið er Mt. Mitchell í Norðurcarolina, 2.040 metrar høgt.

Hesi fjøllini eru fyri tað mesta skógvaksin, og har vaksa mong ymisk træsløg, harímillum ahorn og eik. Um heystarnar, áðrenn leyvtrøini, sum vaksa í sunnari parti av fjøllunum, missa bløðini, er frálíka vakurt har, tá skyggir leyvið í brúnum og reyðum litum, tá er eisini eitt skifti við heilt góðum veðri, og hesa tíðina á árinum nevna teir "Indian summer".

Hesi fjøllini eru eldri, og tindarnir eru ikki líka høgir sum teir í Klettafjøllunum (Rocky mountains). Tann syðri parturin varð til fyri 250 milliónum árum síðan, tá Afrika rendi saman við Norðuramerika, so øll meginlond vóru í einum, kallað Pangaea.

í statunum North Carolina, Virginia og West Virginia, har Appalakkufjøll fara ígjøgnum, var í mong ár nógv kol høgt og nýtt til brenni í stálvirkjunum. Nú eru mong nám og stálvirki latin aftur, og mong arbeiðspláss farin fyri skeytið. Hóast nógv hevur verið gjørt til tess at menna ferðamannavinnuna har, er økið við Appalakkufjøll eitt hitt fátækasta í USA.

•  
  Appalachian Trail millum Totts Gap og Mount Minsi í Pennsylvania.
•  
  Shenandoah National Park í Virginia
•  
  Nærindis Snowbird Mountain í North Carolina.
•  
  Blue Ridge Mountains í North Carolina.
•  
  Hægsta fjallið eystan fyri Mississippiánna er Mt. Mitchell í Appalakkufjøllum í Norðurcarolina. Tað er 2.037 metrar høgt.
•  
  Kort
•  

• Gatlinburg

• Appalachian Mountains, wikivoyage.org

78°0′0″W / 40.00000°N 78.00000°W / 40.00000; -78.00000

Wiki Føroyskt 

Sí miðlasavnið

»Appalachiafjøll« í Wiki Commons.