Bakkafrost: Føroysk alifyritøka

Felagið varð stovnað í 1968 av brøðrunum Hans og Róland Jacobsen á Glyvrum. Í 2010 varð Bakkafrost skrásett á virðisbrævamarknaðinum í Oslo (OSE). Í apríl 2011 keypti p/f Bakkafrost fyritøkuna p/f Havsbrún fyri 1,1 milliard krónur. Regin Jacobsen, ið er sonur Hans á Bakka, er stjóri á Bakkafrost.

Bakkafrost

Slag	Partafelag
Handlað sum	OSE: BAKKA
Ídnaður	Matídnaður
Stovnað	1968
Stovnari/ar	Róland og Hans Jacobsen
Høvuðsskrivstova	Glyvrar
Lyklapersónar	Regin Jacobsen (CEO), Rúni M Hansen (nevndarformaður)
Vørur	Laksur
Nettosøla	2,7 milliardir DKK (2014)
Inntøka áðrenn rentu og skatt	899 million DKK (2014)
Vinningur	647 milliónir DKK (2014)
Eigari	Oddvør Jacobsen (9,50%) Regin Jacobsen (9,30%) og umeið 3050 onnur úr 22 londum
Tal av starvsfólkum	1000 (2014)
Heimasíða	bakkafrost.com

Hin 28. november 2013 fór virði á Bakkafrost uppum 4,4 milliardir krónur, tá partabrøv vóru seld fyri 90,25 norskar krónur. Fyritøkan átti tá 48.858.065 partabrøv.

Úrslitið hjá Bakkafrost fyri 2013 var 727 milliónir krónur fyri skatt og 589 milliónir krónur eftir skatt. Alideildin hevði eitt gott úrslit, orsakað av tí góða laksaprísinum. Men Bakkafrost missir framvegis pening í sølusáttmálum fyri lidnar vørur, var sagt í ársfrágreiðingini. Sagt varð eisini, at framleiðslan av mjøli, lýsi og fóðri royndist væl.

28. mai 2015 vóru partabrøv hjá Bakkafrost seld fyri 206 norskar krónur. Tann dagin vaks virði á Bakkafrost til 10 milliardir norskar krónur, ið er met.

í februar 2015 sá nevndin í Bakkafrost soleiðis út:

• Rúni M. Hansen, nevndarformaður (nevndarformaður síðan 2009, eigur 10.000 partabrøv í fyritøkuni)
• Johannes Jensen, næstformaður (nevndarlimur síðan 2009, eigur ongi partabrøv í fyritøkuni)
• Tor Magne Lønnum (nevndarlimur síðan 2014, eigur 1.500 partabrøv í fyritøkuni)
• Virgar Dahl (nevndarlimur síðan 2006, eigur 7.000 partabrøv í fyritøkuni)
• Annika Frederiksberg (nevndarlimur síðan 2008, eigur 14.532 partabrøv í fyritøkuni)
• Øystein Sandvik (nevndarlimur síðan 2013, eigur ongi partabrøv í fyritøkuni)

• 2015 - Ársins virki
• 2015 - Stockman-virðislønina til smærri og miðalstórar fyritøkur
• 2014 - Bakkafrost kosið sum nummar tvey av miðalstórum fyritøkum, ið eru skrásettar á Oslo Børs, vald út av 600 greinarum. Tað er IR Nordic Invest sum saman við Oslo Børs og Dagens Industri, ið gera metingina.
• 2014 - Regin Jacobsen kosin sum nummar eitt av stjórum á miðalsórum fyritøkum, ið eru skrásettar á Oslo Børs, valdur út av 600 greinarum
• 2009 - Ársins virki

• Heimasíðan hjá Bakkafrost