2022 Inwazyjŏ Na Ukrajinã Ôd Rusyje

Inwazyjŏ na Ukrajinã ôd Rusyje — rusko-ukrajińskŏ wojna —
Czas	ôd 24 lutego 2022
Plac	Ukrajina
Zajty boju
Rusyjŏ Dōniyckŏ RL (30 września 2022 zaanektowane ôd Rusyje) Ługańskŏ RL (30 września 2022 zaanektowane ôd Rusyje) przi sparciu ôd: Biołoruś	Ukrajina liferōng brōni: NATO (ôd 25 lutego)
Kōmandyry
Władimir Putin Michail Miszustin Siergiej Szojgu Siergiej Lawrow Walerij Gierasimow Dienis Puszylin Władimir Paszkow Leonid Pasiecznik Siergiej Kozlow Ramzan Kadyrow	Wołodymyr Zelenski Denys Szmyhal Oleksij Reznikow Dmytro Kuleba Andrij Taran Oleksij Danilow Walerij Zalużny Siergiej Szaptala Ruslan Chomczak
Siyły
Rusyjŏ: ~175,000–190,000 Dōniyckŏ RL: 20,000 Ługańskŏ RL: 14,000	Ukrajina: 209,000 (siyły zbrojne) 102,000 (paramilityr) 900,000 (rezerwy)
Straty
Rusyjo: 60,100 wojŏkōw 2377 tankōw 260+ fligrōw 220+ helikopterōw	Ukrajina: 40+ zabitych wojŏkōw
Galeryjŏ we Wiki Commons

24 lutego 2022 roku Rusyjŏ zaczła inwazyjo na Ukrajinã. Kampanijŏ napoczła sie po przedużajōncyj sie rozbudowie militarnyj i uzdaniu ôd Rusyje samostanowiyniŏ Dōniyckij Republiki Ludowyj i Ługańskij Republiki Ludowyj we dniach poprzedzajōncych najŏzd. Już 21 lutego 2022 roku Siyły Zbrojne Ruskij Federacyje wlŏzły do regiōnu Dōnbasu we weschodnij Ukrajinie.

Kole 06:00 moskewskigo czasu (UTC+3) 24 lutego 2022 roku prezydynt Rusyje Władimir Putin ôgłosiōł ôperacyjo wojskowo na weschodnij Ukrajinie; porã minut niyskorzij napoczły sie raketowe ataki na cołki krŏj, tyż na stolicã – Kijōw. W tyn som dziyń sztartła m. in. batalijo ô Czernihōw a angrif na Zmijiny Ôstrōw. Ukrajińskŏ Wacha Granicznŏ ôgłosiyła, iże ônyj placōwki graniczne ze Rusyjōm i Biołorusiōm ôstały napadniynte. Inwazyjo skłōniyła moc krŏjōw do potympiyniŏ ataku i nałożyniŏ surowych sankcyji na Rusyjõ. Prezydynt Ukrajiny Wołodymyr Zelenski wkludziōł wojynny stōn. Prawiōł, iże Rusyjŏ napadła ukrajińsko infrastruktura wojskowŏ.