William Hurt

Zinema ikur handia izan zen 1980ko hamarkadan, antzeztu zituen nortasun handiko rolengatik. Gizonezko aktore onenaren Oscar saria irabazi zuen 1985eko Kiss of the Spider Woman filmean egindako lanagatik.

William Hurt
Irudi gehiago
Bizitza
Jaiotzako izen-deiturak	William McChord Hurt
Jaiotza	Washington, 1950eko martxoaren 20a
Herrialdea	Ameriketako Estatu Batuak
Heriotza	Portland, 2022ko martxoaren 13a (71 urte)
Hobiratze lekua	baliorik ez
Heriotza modua	berezko heriotza: prostatako minbizia
Familia
Aita	Alfred McChord Hurt
Ezkontidea(k)	Mary Beth Hurt  (1971ko abenduaren 2a -  1982ko abenduaren 9a) Heidi Henderson  (1989 -  1992)
Bikotekidea(k)	ikusi Sandrine Bonnaire Marlee Matlin
Hezkuntza
Heziketa	Juilliard School (en) graduate diploma (en) Middlesex School (en) PS 6 (en) Tufts Unibertsitatea Artean graduatu : Teologia University of Nebraska Medical Center (en)
Hizkuntzak	ingelesa
Jarduerak
Jarduerak	zinema aktorea, ahots-aktorea, antzerki aktorea, telebista-aktorea, zinema ekoizlea eta aktorea
Jasotako sariak	ikusi BAFTA Award for Best Actor in a Leading Role  (1986) Gizonezko aktore onenaren Oscar Saria  (1985) : Kiss of the Spider Woman National Board of Review Award for Best Actor  (1985) : Kiss of the Spider Woman Los Angeles Film Critics Association Award for Best Actor  (1985) : Kiss of the Spider Woman Cannes Film Festival Award for Best Actor  (1985) : Kiss of the Spider Woman London Film Critics Circle Award for Actor of the Year  (1986) : Kiss of the Spider Woman David di Donatello for Best Foreign Actor  (1986) : Kiss of the Spider Woman BAFTA Award for Best Actor in a Leading Role  (1986) : Kiss of the Spider Woman Los Angeles Film Critics Association Award for Best Supporting Actor  (2005) : A History of Violence Theatre World Award  (1978)

1950eko martxoaren 20an jaio zen, Washingtonen. Teologia ikasketak egin zituen Tufts Unibertsitatean, eta aktore izateko ikasi zuen gero Juilliard School ospetsuan. Ikaskide izan zituen Robin Williams eta Christopher Reeve aktoreak, hain zuzen. 1980an egin zuen debuta kameraren aurrean; Ken Russellen Altered States beldurrezko filmean izan zen. Gero etorri ziren Peter Yatesen Eyewitness thrillerra (1981), eta Hollywooden ospea eman zion Body Heat (Lawrence Kasdan, 1981) thriller erotikoa.

Héctor Babenco zinemagilearen Kiss of the Spider Woman filmean antzeztu zuen rolagatik irabazi zuen Oscar saria, ordea, 1982an. Argentinako espetxe bateko ziega partekatzen duten bi gizonen istorioa kontatzen du filmak. Sona handia izan zuen garai hartan Hurten antzezpenak eta, horri esker, paper garrantzitsuak lortu zituen hurrengo urteetan. Lau alditan izendatu zuten Oscar sarietarako.

Protagonistaren rolak jokatzetik, bigarren mailako pertsonaiak antzeztera igaro zen 1990eko hamarkadan. Indar handiko pertsonaiak izan ziren, edonola ere. Horien artean daude, besteak beste, A.I. Artificial Intelligence (2001) The Village (2004), edota The Good Shepherd (2006). Marvel unibertsoko filmetan hartu zuen parte azken urteetan, Thaddeus Ross pertsonaia gorpuzten. Antzerkian ere aritu zen; William Shakespeareren obrak antzeztu zituen, batez ere. Tony sari bat irabazteko izendatu zuten 1985ean, Hurlyburly obragatik. Eta telebistan ere maiz aritu zen.

Prostatako minbizia diagnostikatu zioten 2018an, eta gaixotasunak eragindako albo kalteengatik hil zen.

Zinema

Telebista

• (Ingelesez) William Hurt, IMDBko fitxa, imdb.com