Robert Doisneau (Gentilly, 1912ko apirilaren 14a - Montrouge, 1994ko apirilaren 1a) frantses argazkilaria izan zen.
Jende arruntaren erretratuetan erakusten duen argitasun eta maitasunarengatik ezaguna. Bere teknika Henri Cartier-Bressonen momentu erabakiorraren (decisive moment) antzekoa da, baina harenak baino maitagarritasun handiagoa transmititzen du. Darabilen umore zorrotzaren azpian bere irudien esanahi sakonena aurkitzen da, ikuslea ikusten ari denarekin bat egitera bultzatzen duena. Doisneauk arte grafiko eta grabatuko ikasketak egin zituen Parisko École Estiennen (1926-1929), eta industria- eta merkataritza-argazkilaritzan hasi zen gero. 1934tik 1939ra bitartean, Renault auto-konpainiarentzat lan egin zuen. Garai hartan Brassairen obrak eragin handia izan zuen berean. Bigarren Mundu Gerran faltsutze-lanak egin zituen Erresistentziarentzat. 1944ko Parisko askapenaz egin zituen argazkiak mundu osoan argitaratu ziren. Handik gutxira, Rapho agentziarentzat lanean hasi zen. Bere lanak egunkari eta aldizkari askotan argitaratu ziren, Vogue eta Life aldizkarietan, besteak beste. Aipagarria da, besteak beste, 1950eko bere argazkietako bat (bikote bat Parisko kale batean musuka), postal eta kartel askotan argitaratua: Le Baiser de l'hôtel de ville. 1947an Kodak saria jaso zuen, 1956an Niépce saria, eta 1983an Argazki Sari Nazionala. 1984an Ohorezko Legioaren Zaldun izendatu zuten.
| Robert Doisneau | |
|---|---|
 | |
| Bizitza | |
| Jaiotza | Gentilly, 1912ko apirilaren 14a |
| Herrialdea |  Frantzia |
| Heriotza | Montrouge, 1994ko apirilaren 1a (81 urte) |
| Hobiratze lekua | Cemetery of Raizeux (en)  |
| Familia | |
| Seme-alabak | ikusi
|
| Hezkuntza | |
| Heziketa | École Estienne (en) |
| Hizkuntzak | frantsesa |
| Irakaslea(k) | André Vigneau (en) |
| Jarduerak | |
| Jarduerak | argazkilaria, fotokazetaria eta litografoa |
Parte-hartzailea | |
| Lan nabarmenak | ikusi
|
| Jasotako sariak | |
| robert-doisneau.com | |
   | |
Wiki Commonsen badira fitxategi gehiago, gai hau dutenak: Robert Doisneau  |
Datuak: Q154599
Multimedia: Robert Doisneau / Q154599This article uses material from the Wikipedia Euskara article Robert Doisneau, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
