Olatz Mitxelena Larreta: Gipuzkoar idazlea, itzultzailea, zutabegilea eta irakaslea

Oiartzunen jaio eta bertan bizi da. Filosofian lizentziaduna, Bartzelonan Estudios Comparados de Literatura, Arte y Pensamiento masterra burutu zuen gero. Idazle Eskola Graduondokoa eta Euskal Kultur Sorkuntza eta Kritika Feminista Graduondokoa ere egin zituen.

Bigarren Hezkuntzan lan egin du, Euskara nahiz Filosofiaren Historia irakasgaien irakasle; gaur egun, Donostiako IRALEn irakasle lanak egiten ditu.

Idazlanak

2021ean XXIV. Igartza Saria irabazi zuen Arrakalak izenburuko ipuin sorta proiektuari esker. Saria irabazteari esker, 2023an 'Arrain hezur bat eztarrian'  narrazio-liburua argitaratu zuen Elkar argitaletxearekin.

2022an, Marina Garcés filosofoaren Filosofía inacabada liburua euskarara ekarri zuen Jakin argitaletxearen eskutik Filosofia amaitu gabea izenburuarekin.

Maiztasun jakin batekin, ostiraletan argitaratzen den Oarso Bidasoko Hitzan iritzi artikuluak idazten ditu.

 

Literatur Sariak

• Espainiako Kritikaren Saria narratiba kategorian, Arrain hezur bat eztarrian ipuin liburuagatik, 2023.
• Ignacio Aldecoa Saria, Arabako Foru Aldundia, 2021.
• Igartza Literatura Beka XXIV, Beasaingo Udala, CAF, Elkar, 2021.
• Bidaia eta Mendi Kroniken Lehiaketa, 1. saria. Berria, 2018.
• Bordari ipuin lehiaketa, 1. saria. Hondarribiako Udala, 2014.
• XXXIII. Errenteria Hiria Ipuin Lehiaketa, 25 urtetik beherakoen saria. Ereintza Elkartea, 2013.
• Lasarte-Oriako Literaturako XXVI. Lehiaketa, 1. saria. Lasarte-Oriako Udala, 2012.
• Urruzuno Literatur Lehiaketa. Eusko Jaurlaritza, 2004, 2005, 2006.
• Narrazioak eta Olerkiak, R. Mª Azkue Saria. Euskaltzaindia, 2003, 2004, 2005.

•  
  "Arrain hezur bat eztarrian" liburarekin.
•  
  Bidaia eta Mendi Kroniken Lehiaketako saria jasotzen.

• Emakume idazleak
• Gipuzkoako idazleak
• Kategoria: Euskal idazleak

• Olatz Mitxelenari elkarrizketa: Gizakiari sortzen zaizkion pitzadurak adierazi nahi ditutHitza, 2021eko iraila