Michael Ondaatje (Zeilan, 1943ko irailaren 12a) kanadar eleberrigile eta poeta da.
Michael Ondaatje | |
---|---|
Bizitza | |
Jaiotza | Kolonbo, 1943ko irailaren 12a (80 urte) |
Herrialdea | Kanada |
Familia | |
Ezkontidea(k) | Linda Spalding (en) |
Hezkuntza | |
Heziketa | Bishop's University (en) Queen's unibertsitatea 1967) Arte-masterra Dulwich College (en) Torontoko Unibertsitatea (1964 - 1965) Artean graduatu |
Hizkuntzak | ingelesa |
Jarduerak | |
Jarduerak | poeta, eleberrigilea, pedagogoa, idazlea, gidoilaria, unibertsitateko irakaslea eta autorea |
Lantokia(k) | Toronto |
Enplegatzailea(k) | Mendebaldeko Ontarioko Unibertsitatea |
Lan nabarmenak | ikusi
|
Jasotako sariak | ikusi
|
Kidetza | Errege Literatura Elkartea |
1962an joan zen Kanadara, eta Torontoko eta Kingstoneko unibertsitateetan egin zituen ikasketak. 1967-1970 bitartean, eskolak eman zituen Ontario Mendebaldeko Unibertsitatean, eta gero Torontoko York Unibertsitateko ingeles-sailean hasi zen lanean. Zineman eta antzerkian lan egin zuen, baina batez ere poesia- eta narratiba-lanek famatu zuten. Bere estiloak oso gutxi zor dio kanadar tradizioari, eta Wallace Stevensen eta egungo zinemagileen eragina du, batez ere Louis Malle, Alfred Hitchcock eta Sergio Leonerena. Lau poesia-liburu argitaratu ditu: The dainty monsters (1967, Munstro delikatuak), The man with seven toes (1969, Zazpi behatzetako gizona), Rat Jelly (1973) eta There´s a trick with a knife I´m learning to do: poems 1973-1978 (1979, Aiztoarekin egiten den amarru bat ikasten ari naiz: 1973-1978 poemak); bi ipuin liburu: Elimination dance (1980, Eliminazio-dantza) eta Tin Roof (1982, Teilatu mehea); eta bi eleberri: Coming Through Slaughter (1976, Sarraskia) eta Running in the Family (1982, Familia). Gainera, Leonard Cohen (1970) kritika liburua idatzi du, eta hiru antologia: The broken ark (1971, Hautsitako kutxa), Personal fictions (1977), eta The long poem anthology (1979). Bere poema gehienak Rat Jelly and other poems 1963-1978 (1980) liburuan daude bilduta. Hala ere, mundu-mailan ezaguna egin zen The English Patient" eleberriarekin, eta honekin Booker saria lortu zuen. Honen ondoren, Anil's Ghost (2000) idatzi zuen.
Wiki Commonsen badira fitxategi gehiago, gai hau dutenak: Michael Ondaatje |
This article uses material from the Wikipedia Euskara article Michael Ondaatje, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.