Markia

Gainera, Zuiako udalerria eratzen duten herrietariko bat da.

Markia
Euskal Herria
Markiako eliza
Kokapena
Herrialdea	Araba
Udalerria	Zuia
Administrazioa
Posta kodea
Geografia
Koordenatuak	42°58′34″N 2°49′05″W / 42.9761°N 2.8181°W / 42.9761; -2.8181
Demografia

Iparraldean, Gorbeiako natura parkea, hegoaldean Sarria, mendebaldean Altube eta hego-ekialdean Aretxaga eta Zarate herriak ditu mugakide.

2007ko urtarrilaren 1eko erroldaren arabera, auzoak 68 biztanle zituen.

Berretin mendiaren (1.226 m) magalean dago herria, eta hortik goitik datozkio Ugalde ibaiaren urak. Aspaldian, errota bat eraiki zuten baliabide natural hori aprobetxatzeko, gaur egun zaharberrituta dagoena. Uraska eta iturria ere errekarekin lotuta daude, baita goiko eta beheko auzoak lotzen zituen harrizko ­zubia ere.

Eskualdeko Garraioa sareak linea bat ditu herrian:

Eskualdeko Garraioa  Zerbitzua   Hasiera   Ibilbidea   Amaiera ⁠ 5 Urduña Izarra Murgia Gopegi Urduña (suhiltzaileak) • Apregindana • Untzaga • Uzkio Urkabustaiz • Oiardo • Goiuri • Beluntza • Ziorraga • Altube • Gillerna • Lukiano • Aperregi • Donamaikia • Jugo • Bitoriano • Zarate • Markia • Sarria • Olano • Letona • Zaitegi Urduña Izarra Murgia Gopegi

San Joan Bataiatzaile herriko zaindaria da, eta haren omenez eliza eraiki zuten, herriko goiko aldean. S. Joan egunaren bezperan, ekainaren 24an, jaia ospatzen dute.

• Jose Abezia («Markiako ikaslea»), gerrillaria, Espainiako Independentzia Gerran nabarmendu zen. Markian jaio zen 1785eko apirilaren 17an, Zuzenbidea ikasi zuen Zaragozan, eta han harrapatu zuen Napoleonen aurkako gerrak. Hiri hartako setioetan borrokatu zen. Amore eman ondoren, ihes egin ahal izan zuen, eta jaioterrira itzuli, indarberritzeko. Gero, gerrillari talde baten buru, Aragoin eta Euskal Herrian hainbat garaipen lortu zituen. Azkenean armadan sartu zen, komandante mailarekin, eta jeneral izatera iritsi zen. Heriotza data ez da ezaguna.

• Zuia
• Zuia-Gorbeialdea

• Markia udal webgunean