Joseba Egibar: Euskal politikaria

1998tik EAJko bozeramailea da Eusko Legebiltzarrean. Andoaingo udal funtzionarioa da ogibidez. Ezkonduta dago (Isabel) eta bi seme alaba ditu (Ixiar eta Xabier).

Joseba Egibar
Irudi gehiago
Eusko Legebiltzarkidea 2020ko abuztuaren 3a - Barrutia: Gipuzkoa Hautetsia: Eusko Legebiltzarreko XII. legealdia Eusko Legebiltzarkidea 2016ko urriaren 21a - 2020ko abuztuaren 3a Barrutia: Gipuzkoa Hautetsia: Eusko Legebiltzarreko XI. legealdia Eusko Legebiltzarkidea 2012ko azaroaren 20a - 2016ko urriaren 21a Barrutia: Gipuzkoa Hautetsia: Eusko Legebiltzarreko X. legealdia Eusko Legebiltzarkidea 2009ko apirilaren 3a - 2012ko azaroaren 19a Barrutia: Gipuzkoa Hautetsia: Eusko Legebiltzarreko IX. legealdia Eusko Legebiltzarkidea 2005eko maiatzaren 16a - 2009ko apirilaren 3a Barrutia: Gipuzkoa Hautetsia: Eusko Legebiltzarreko VIII. legealdia Lizartzako alkate 2003ko ekainaren 14a - 2007ko ekainaren 16a - Regina Otaola → Eusko Legebiltzarkidea 2001eko ekainaren 8a - 2005eko maiatzaren 16a Barrutia: Gipuzkoa Hautetsia: Eusko Legebiltzarreko VII. legealdia Eusko Legebiltzarkidea 1998ko azaroaren 25a - 2001eko ekainaren 8a Barrutia: Gipuzkoa Hautetsia: Eusko Legebiltzarreko VI. legealdia Eusko Legebiltzarkidea 1994ko azaroaren 30a - 1998ko azaroaren 25a Barrutia: Gipuzkoa Hautetsia: Eusko Legebiltzarreko V. legealdia Eusko Legebiltzarkidea 1990eko abenduaren 18a - 1994ko abuztuaren 30a Barrutia: Gipuzkoa Hautetsia: Eusko Legebiltzarreko IV. legealdia
Bizitza
Jaiotzako izen-deiturak	Joseba Egibar Artola
Jaiotza	Andoain, 1959ko azaroaren 23a (64 urte)
Herrialdea	Gipuzkoa, Euskal Herria
Hezkuntza
Heziketa	EHUko Zuzenbide Fakultatea Euskal Herriko Unibertsitatea
Hizkuntzak	gaztelania euskara
Jarduerak
Jarduerak	politikaria eta Funtzionarioa
Sinesmenak eta ideologia
Alderdi politikoa	Eusko Alderdi Jeltzalea Gipuzkoa

1974an EAJko gazte erakundean (EGI) militatzeari ekin zion, artean talde hori legez kanpokoa zela. 1985. eta 1989. urte bitartean Eusko Jaurlaritzaren Gipuzkoako Lurralde Antolakuntza eta Etxebizitza eta Kultura ordezkari izan zen.

 

1987an EAJren Gipuzko Buru Batzarreko lehendakari aukeratu zuten. Segidako aukeretan kargu bererako izendatu zuten eta horretan jarraitu du 2000ko urtarrila arte. 2004ko maiatzetik hona zeregin horretan dihardu berriro. 1987tik Euzkadi Buru Batzarreko kide da, eta EAJren Aberri Kontseiluko kide, eta, 1987 eta 2004 urte bitartean, organo horren bozeramaile izan zen. Gainera, 1990tik eusko legebiltzarkide da, eta Gasteizko Ganberan EAJren bozeramaile 1998tik.

Gipuzko Buru Batzarrean (GBB, EAJren Gipuzkoako zuzendaritza) hainbat kargu izan ditu. 2000. urtean, Euzkadi Buru Batzarreko Euskara, Hezkuntza, Kirolak eta Kultura arloetako arduradun bilakatu zen.

2003tik 2004ra bitartean, EBBren presidentetzarako lehiatu zen Josu Jon Imazekin. Hedabideen aburuz, Joseba Egibar ordura arte Xabier Arzalluzek gidatutako sektore soberanista-ren ordezkaria zen. EBBko buru, ordea, Josu Jon Imaz bilakatu zen Nafarroako bozketan boto bakarraren aldeaz irabazi ostean.

2007ko irailean, Josu Jon Imazek politikagintza utziko zuela iragarri eta gero, Egibarrek adierazi zuen ez zela EBBko presidentetzarako lehiara aurkeztuko.

Lizartzako (Gipuzkoa) alkate ere izan zen 2004tik 2007ko maiatzera arte, herri horretako ezker abertzaleko hautes plataforma legez kanporatua izan eta gero.

2009ko Euskadiko Hauteskundeetarako Eusko Alderdi Jeltzaleko zerrendaburua izan zen Gipuzkoatik. Haren zerrenda bozkatuena izan zen Gipuzkoan.

• "Ibarretxeren planteamendua herri honen historiara pasatuko da". Elkarrizketa Argia astekarian (2007-11-11)