Irantzu Varela Urrestizala (Portugalete, Bizkaia, 1974ko uztailaren 24a) bizkaitar kazetari, aktibista ete feminista da.
EHUn kazetaritza ikasi eta La Tuerkan eta ETB 2an lan egin du.
Irantzu Varela | |
---|---|
Bizitza | |
Jaiotzako izen-deiturak | Irantzu Varela Urrestizala |
Jaiotza | Portugalete, 1974ko uztailaren 24a (49 urte) |
Herrialdea | Bizkaia, Euskal Herria |
Hezkuntza | |
Heziketa | Euskal Herriko Unibertsitatea |
Hizkuntzak | gaztelania |
Jarduerak | |
Jarduerak | kazetaria, aurkezlea eta zinemagilea |
Enplegatzailea(k) | Pikara Magazine La Tuerka |
Sinesmenak eta ideologia | |
Alderdi politikoa | Euskal Herria Bildu |
Txiki-txikitatik sentitzen hasi zen neska izatearekin aurresuposatzen ziren zenbait kontuekin desadostasuna baita gerra erreportaria izan nahi zuela ere. 1993-1998 bitartean Kazetaritza ikasi zuen Leioan, UPV/EHUn eta ordutik datorkio kontzientzia politikoa. Gero Lankidetza-masterra egin eta praktikak Venezuelan burutu zituen. 2015ko hauteskundeetan EH Bilduren Senaturako zerrenda buru aurkeztu zen, Kongresurako Onintza Enbeita zerrenda-buruarekin batera.
Beste adiskide kazetari eta feminista batekin Faktoria Lila kooperatiba sortu zuen 2007an lankidetza, genero berdintasuna eta komunikazioa lantzeko xedearekin. Prestakuntza tailerrak eta prestakuntza eskeintzen dute: norberaren bizipenetatik abiatuta eta amodio erromantikoa eta edertasuna feminismoaren ikuspegitik lantzen dituzte aldaketetarako funtsezko gai bezala. Genero-berdintasunean aditua, hitzaldiak ematen ditu baita hedabideetan iritzi-artikuluak eta kolaborazioak egin ere.
2007-2015 bitartean UNA, genero eta berdintasunean espezializatutako aholkularitzan lan egin zuen Komunikazio arduradun eta Prestakuntza-koordinatzaile gisa.
2014ean PúblicoTV-ren La Tuerka programan hasi zen El Tornillo mikroespazio feminista aurkezten, 2017an En la frontera programaren barruan. Honek bere dimentsio mediatikoa areagotu du. Bideo laburrak dira eta ikuspegi feministatik aztertzen ditu patriarkatuak susatzten dituen errealitateak umorez, sarkasmoz, diskurtso zuzena eta zorrotza erabiliz.
EITBko tertulietan parte hartzen du. Pikara Magazinen idazten du eta Aló Irantzu atala aurkezten du. Hedabideetan duen protagonismoaren ondorioz eraso matxista ugari jasotzen ditu sare-sozialetan. Horri bere estiloan erantzuteko Shakiraren Loca, ciega, sordomuda-ren parodia egin du “Putas, feas, malfolladas” bideoarekin.
Ekintzaile gisa egindako ibilbideagatik erantzun bortitzak jasan izan ditu sareetan barna eta 2019an baita bere hurbileko bizitzako inguru fisikoan ere.
Wikiesanetan badira aipuak, gai hau dutenak: Irantzu Varela |
This article uses material from the Wikipedia Euskara article Irantzu Varela, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.