Igor Arenaza: Futbolari gipuzkoarra

Aurrelari postuan jokatzen zuen. Gaur egun Athleticen organigraman sartuta dago.

Igor Arenaza
Bizitza
Jaiotzako izen-deiturak	Igor Arenaza Txintxurreta
Jaiotza	Aretxabaleta, 1974ko otsailaren 11 (50 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	futbolaria
Ibilbidea Taldeak Urteak J G Bilbao Athletic 1992 / 1994 33 4 Eibar KE 1994 / 1999 154 15 Club Deportivo Logroñés 1999 / 2000 38 10 Eibar KE 2000 / 2001 33 3 Motril CF 2001 / 2002 35 5 Barakaldo CF 2003 / 2003 21 1 Mérida UD 2004 / 2004 15 1 Sangonera Atlético CF 2004 / 2004 Aretxabaleta Kirol Elkartea 2004 / 2006
Posizio edo espezialitatea	aurrelaria
Altuera	1,82 metro

Jokalari ibilbidea

Almeneko taldean hasi zen jokatzen eta ondoren gazte mailan Aretxabaleta Kirol Elkartean (UDA) jokatu zuen. Denboraldi bikaina egin zuen eta Errealaren Gazte mailako txapelketan Gipuzkoako selekzioarekin jokatzeko aukera izan zuen. Aretxabaletako taldeak Athleticekin ituna sinatua zuenez talde bilbotarrak 1992an fitxatu zuen. Bilbao Athleticen aritu zen bi denboraldiz Bigarren mailan.

1994an Eibarrek fitxatu zuen, hau ere bigarren mailan ari zela. Eibarko izen handiekin jokatzeko aukera izan zuen, Garmendia, Artetxe, Bixente, Sarriegi, Karmona... 1997an Lehen mailara igotzeko play-offak jokatzear izan zen, baina azken unean 5. postua baino ez zuen lortu talde armaginak. Bost urte egin zituen Eibarren eta azken urtean justu justuan salbatu zen, azken bost partidak jarraian irabazita. Denboraldi hartan Arenaza izan zen taldeko goleatzaile nagusia, 7 golekin. Hurrengo urtean Logroñésera joatea erabaki zuen, baina diru arazoak zituen taldeak eta hiru urtetarako sinatu bazuen ere denboraldi bakarra egin eta Eibarrera itzuli zen.

Ordutik aurrera talde ugaritan ibili zen, bigarren B mailakoetan. Motril, Barakaldo, Logroñés eta Mérida izan ziren talde horiek. Motrilen sei hilabete egin zituen eta bigarren mailara igotzeko paly-offak jokatu zituen. Guztietan urtebete ez zuen osatzen, izan ere fitxatu bai baina gero soldata ordaintzeko arazoak izaten baitzituzten talde horiek. 2004an Murtziako 3. mailako Sangonera la Verde taldean denboraldi bat egin eta futbola alde batera uztea erabaki zuen. Aretxabaletara itzuli zen eta herriko taldeari laguntze aldera bi denboraldi gehiago egin zituen UDAn.

Entrenatzailea eta Kirol zuzendaria

2005-06 denboraldian jokalari eta entrenatzailea izan zen Aretxabaletako taldean. Ondoren kirol zuzendari aritu zen hamabi urtez. Bi aldiz lortu zuen hirugarren mailarako igoera eta hainbat proiektu ere jarri zituen martxan, campusak antolatu, Eskua proiektua... 2016an Athleticeko organigraman sartu zen. 2016an herritarrek omenaldi beroa eskaini zioten plazan. Igor Arenazaren lekua Jose Javier Barkero futbolari aretxabaletarrak hartu zuen.

Athleticen hainbat lan egiten ditu. Gipuzkoako jokalari gazteen behatzailea da eta Genuine talde inklusiboko talde teknikoko kideetako bat ere bada.

2020ko Maiatzak 31n eguneratua. Datu ofizialak.

Taldea	Maila	Denboraldia	Liga		Kopa		Champions League		UEFA		Superkopa		Denera
			JP	G	JP	G	JP	G	JP	G	JP	G	JP	G
Bilbao Athletic	2.	1992/93	6	1	-	-	-	-	-	-	-	-	6	1
	2.	1993/94	27	3	-	-	-	-	-	-	-	-	27	3
	Denera		33	4	-	-	-	-	-	-	-	-	33	4
Eibar	2.	1994/95	27	1	4	1	-	-	-	-	-	-	31	2
	2.	1995/96	26	2	2	0	-	-	-	-	-	-	28	2
	2.	1996/97	19	1	4	0	-	-	-	-	-	-	23	1
	2.	1997/98	41	3	3	0	-	-	-	-	-	-	44	3
	2.	1998/99	27	7	1	0	-	-	-	-	-	-	28	7
	Denera		140	14	14	1	-	-	-	-	-	-	154	15
Logroñés	2.	1999/00	34	6	4	4	-	-	-	-	-	-	38	10
	Denera		34	6	4	4	-	-	-	-	-	-	38	10
Eibar	2.	2000/01	31	3	0	0	-	-	-	-	-	-	31	3
	2.	2001/02	2	0	0	0	-	-	-	-	-	-	2	0
	Denera		33	3	0	0	-	-	-	-	-	-	33	3
Motril	2.B	2001/02	23	2	-	-	-	-	-	-	-	-	23	2
	2.B	2002/03	11	2	1	1	-	-	-	-	-	-	12	3
	Denera		34	4	1	1	-	-	-	-	-	-	35	5
Barakaldo	2.B	2002/03	19	1	-	-	-	-	-	-	-	-	19	1
	2.B	2003/04	2	0	0	0	-	-	-	-	-	-	2	0
	Denera		21	1	0	0	-	-	-	-	-	-	21	1
Mérida	2.B	2003/04	15	1	-	-	-	-	-	-	-	-	15	1
	Denera		15	1	-	-	-	-	-	-	-	-	15	1
Sangonera Atlético	3.	2004/05	-	-	-	-	-	-	-	-	-	-	-	-
	Denera		-	-	-	-	-	-	-	-	-	-	-	-
Aretxabaleta	DH	2004/05	-	-	-	-	-	-	-	-	-	-	-	-
	DH	2005/06	-	-	-	-	-	-	-	-	-	-	-	-
	Denera		-	-	-	-	-	-	-	-	-	-	-	-
Ibilbide osoan			310	33	19	6	-	-	-	-	-	-	329	39

• Fitxa - www.athletic-club.eus