Conrad Schumann
Hans Conrad Schumann (Zschochau, Saxonia, 1942ko martxoaren 28a , Bavaria, 1998ko ekainaren 20a), Berlingo harresia egiten hasi eta gero, Alemaniako Errepublika Demokratikotik (AED) alde egin zuen lehen desertorea izan zen.
Ihesaldi hura oso ezaguna izan zen eta eztenez jositako alanbre gainetik ihes egiten ari zeneko argazkiak ospe handia hartu zuen Gerra Hotzaren garaian.
| Conrad Schumann | |
|---|---|
.jpg) (1961) | |
| Bizitza | |
| Jaiotza | Zschochau, 1942ko martxoaren 28a |
| Herrialdea |  Alemania  Hirugarren Reicha (1942ko martxoaren 28a - 1945) Alemaniako Errepublika Demokratikoa (1949 - 1961) Mendebaldeko Alemania (1961 - 1990) |
| Heriotza | Kipfenberg, 1998ko ekainaren 20a (56 urte) |
| Heriotza modua | suizidioa: urkatzea |
| Hezkuntza | |
| Hizkuntzak | alemana |
| Jarduerak | |
| Jarduerak | militarra |
| Zerbitzu militarra | |
| Adar militarra | National People's Army (en)  |
Biografia
Hans Conrad Schumann Zschochaun, Saxonian jaio zen, 1942ko martxoaren 28an.
Schumann soldadu izan zen Nationale Volksarmeen (Armada Popular Nazionala, alemanieraz). Dresdenen 3 hilabetez entrenatu ondoren, Potsdameko subofizial akademia bat esleitu zioten eta bolondres joan zen Berlinera.
1961eko abuztuaren 15ean, 19 urte zituen eta 3 egun eraikitzen zeramatzaten Berlingo Harresian zegoen zelatari, Ruppinerstraßko eta Bernauerstraßko bidegurutzean. Garai hartan, Harresia alanbrezko hesi bat besterik ez zen eta Schumannek, aukera aprobetxatu eta, salto egin zuen gainetik. Berehalako batean, Alemaniako Errepublika Federaleko (AEF) polizia kotxe batek aldentzen lagundu zion. Une hura izan zen Peter Leibing argazkilariak Gerra Hotzeko irudi ospetsuenetakoa izango zena hartzeko aprobetxatu zuena.
Gerora, Hans Conrad Schumannen Mendebaldeko Berlindik Alemaniako Errepublika Federalera bidaiatzeko baimena izan zuen eta Bavarian jarri zen bizitzen. Günzburg hirian Kunigunde ezagutu zuen eta ezkondu egin ziren.
1989ko azaroaren 9an Harresia eraitsi zuten eta horrela esan zuen:
| « | 1989ko azaroaren 9ra arte ez nuen benetako askatasuna sentitu | » |
Baina lagun ohiekin ez zen sekula ondo moldatuko eta Bavarian gusturago sentiko zen jaiolekuan baino. Era berean, zaila egiten zitzaion Saxoniara, guraso eta senideak bisitatzera joatea ere.
1998ko ekainaren 20an, depresioak hartu zuen eta Kipfenbergen (Bavaria Garaia) bere burua urkatu zuen.
Kanpo estekak
| Wiki Commonsen badira fitxategi gehiago, gai hau dutenak: Conrad Schumann |
Datuak: Q60160
Multimedia: Conrad Schumann / Q60160
This article uses material from the Wikipedia Euskara article Conrad Schumann, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.