Biologia Molekular: Izaki bizidunen oinarri molekularrak ikertzen dituen biologiaren adarra
Biologia molekularra izaki bizidunen oinarrizko molekulak ikertzen dituen biologiaren adarra da.
Biomolekula horien egitura eta eginkizun biologikoa aztertzen ditu biologia molekularrak, genetika, biokimika eta fisikarekin lotura estuak ezarriz.
Biokimikaren lan-eremu bera duela eman lezake, baina biologia molekularrak genetikaren molekulak (DNA eta RNA) ikertzen ditu batik bat, eta baita molekula horiek eta proteinen arteko harreman estua ere.
Biologiaren adar hau XX. mendearen erdialdean agertu zen, James Watson-ek eta Francis Crickek DNAren egitura fisiko-kimikoa aurkitu zutenean. Geroztik, DNA bizi-molekula garrantzitsuena bihurtu da, bera baita bizidun guztiengan (birus batzuetan izan ezik) informazio genetikoa daukana, hots, belaunaldiz belaunaldi pasatzen den herentziazko informazioaren gordailua.
Biologia molekularraren historian hiru mugarri garrantzitsu aipatu behar dira:
- DNAren egitura molekularraren aurkikuntza (helize bikoitza), Watson-ek eta Crick-ek egindakoa 1953an
- F. Jacobek eta J. Monodek 1961an proposatutako operoiaren eredua
- 1970. urtetik aurrera ingeniaritza genetikoa eta DNAren birkonbinazio-teknikek ezagutu duten garapena, geneen klonazioa ahalbidetu duena
Kanpo estekak
Datuak: Q7202
Multimedia: Molecular biology / Q7202
This article uses material from the Wikipedia Euskara article Biologia molekular, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.