Beñat Gaztelumendi: Bertsolari gipuzkoarra

Beñat Gaztelumendi
	; Irudi gehiago
Bizitza
Jaiotza	Añorga, 1987ko ekainaren 11 (36 urte)
Herrialdea	Gipuzkoa, Euskal Herria
Familia
Anai-arrebak	ikusi Unai Gaztelumendi;
Jarduerak
Jarduerak	bertsolaria
	Parte-hartzailea 2022ko Bertsolari Txapelketa Nagusiko finala ;
Jasotako sariak	ikusi Gipuzkoako Bertsolari Txapelketa (2015, 2019) ; Euskal Herriko Eskolarteko Bertsolari Txapelketa (1999, 2000, 2001, 2002, 2003, 2004) ; Gipuzkoako Eskolarteko Bertsolari Txapelketa (2003, 2004) ;

Bi aldiz izan da Gipuzkoako txapelduna eta Bertsolari Txapelketa Nagusiko finalean izan zen 2013, 2017 eta 2022an.

Bertsolaria

Beñat eta Unai Gaztelumendi elkarren artean 13 hilabeteko tartea duten anaiak dira. 18 urte bete arte dena egiten zuten elkarrekin, baina adin horretatik aurrera bakoitza bere bidea urratzen hasi zen. Bertso-eskoletan elkarrekin aritu ziren: Igeldon hasi ziren, Antiguako Luberrin, gero Hernaniko bertso eskolara, Bilboko Santutxun… Añorgan ere sortu zuten eskola. Anaia bien bideak 2021ean berriz elkartu ziren Bidea da borroka komikia egiteko.

Beñatek Ikus-Entzunezko Komunikazioa ikasi zuen Bilbon, eta 2008an Bertsoa.com-en hasi zen lanean. Hasieran, kazetari bezala, eta, gero, grabatzen ere bai. 2017 bitarte bertsoa.eusen eta Hitzetik Hortzeran aritu zen, eta 2017tik aurrera bertsotan zentratu zen gehiago. Kolaborazio ugari egiten ditu hainbat hedabidetan.

2018tik, Euskal Herriko Bertsozale Elkarteko lehendakaritzako partaide da, ikerkuntza ataleko arduradun gisa bereziki.

Idazlanak

Hainbat hedabidetan kolaboratzen du: Gaztezulo, Gaur8, Berria, …

2021. urtean, Unai anaiarekin batera, Bertsolari aldizkarian Bidea da borroka komikia plazaratu zuen. Komikiak Beñat eta Unairen belaunaldiaren deskribapen bat erakusten du, eta azaltzen du gazte horiek mundua nola ikusten duten. Anaien artean argitu zuten komikiaren nondik nora hasieran, eta gero Beñatena izan zen gidoia eta Unairena marrazkia. Bertsolari aldizkariko 124. zenbakian argitaratu zuten, monografiko gisa 2021eko neguan.

Komikia sortzeko erreferentzia handia hartu zuten Zerocalcareren komikietatik. Eguneroko harremana kontatzen du, eguneroko liskar txikiak. Gainera Zerocalcareren marrazkien estilo bat-batekoa ere erabli zuen Unaik. Liburuan ea dena egin zuen lehenengo trazuan. "Inperfekzioz" jositako komikia da, baina horrek, era berean, nortasuna ematen dio.

Bestalde gaztelumenditarrek beren artean askotan komentatuta zuten txapelketek zenbaterainoko fokoa hartzen duten, ze arreta bereganatzen duten, eta nola beste plaza, saio edo bertsolari izateko moduak itzalean geratzen diren.

Txapelketak

2007an jokatu zuen Gipuzkoako txapelketa aurreneko aldiz eta buruz-burukora iritsi zen. Ordutik aurrera Gipuzkoakoan izan diren buruz buruko lehia guztiak jokatu ditu eta 2015ean Alaia Martinekin eta 2019an Agin Labururekin jokatu ondoren txapelduna izan zen.

Bertsolari Txapelketa Nagusian ere finalean izan da eta bietan zazpigarren postua lortu du. Hau da bere palmaresa:

Bertsolari Txapelketa Nagusia:
- Finalista (3): 2013, 2017, 2022.
Gipuzkoako Bertsolari Txapelketa:
- Txapelduna (2): 2015, 2019.
- Bigarrena (2): 2007, 2011.
Euskal Herriko Eskolarteko Bertsolari Txapelketa:
- Txapelduna (6):
  - Handitan: 1999, 2000, 2001
  - Txikitan: 2002, 2003, 2004.
Gipuzkoako Eskolarteko Bertsolari Txapelketa:
- Txapelduna (2): 2002, 2003.
- Bigarren (2): 2004, 2005.
Tapelketa Nagusian (2017)
Tapelketa Nagusian (2017)
Tapelketa Nagusian (2017)
Tapelketa Nagusian (2017)

Sariak

Berritxu saria (1): 2004
Lizardi saria (1): 2007
Abra saria (1): 2006
Hernandorena saria (1): 2006
Zarauzko Kopla Txapelketa (1): 2011
2013: Argia saria, bertso.com (bertso.eus gero)

Erreferentziak

Ikus, gainera

Kanpo estekak

Wiki Commonsen badira fitxategi gehiago, gai hau dutenak: Beñat Gaztelumendi

Beñat Gaztelumendi Bertsozale Elkartearen webgunean
Beñat Gaztelumendi hedabideetan.Prentsa: 140tik gora albiste Bertsozale Elkartearen webgunean
Beñat Gaztelumendiren bertso-saioen grabazioak. Grabazioak: 700 baino gehiago, Bertsozale Elkartearen webgunean
Gpuntua: Beñat Gaztelumendi
Beñat Gaztelumendi Bertsoa, bideoa

Datuak: Q12255110
Multimedia: Beñat Gaztelumendi / Q12255110

This article uses material from the Wikipedia Euskara article Beñat Gaztelumendi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.