Apio Klaudio Zentsorea

340">K.a. 340-K.a. 273), kargua K.a. 312an bete zuen erromatar zentsore ospetsu bat izan zen. Kargurako izendatua izan zen, aurretik, kontsul izan ez zen arren, cursus honorumean ohikoena zen bezala.

Apio Klaudio Zentsorea
Irudi gehiago
Antzinako Erromako senataria ezezaguna - ezezaguna Erromako kontsula K.a. 307 - K.a. 307 Erromako kontsula K.a. 296 - K.a. 296 edil Erromatar diktadorea Erromatar diktadorea Erromatar zentsore
Bizitza
Jaiotza	Antzinako Erroma, ezezaguna
Herrialdea	Antzinako Erroma
Heriotza	ezezaguna, K.a. III. mendea ( urte)
Familia
Aita	Gaius Claudius Crassus Inrelligensis
Ama	ezezaguna
Ezkontidea(k)	ezezaguna
Seme-alabak	ikusi Appius Claudius Russus (en) Publius Claudius Pulcher (en) Gaius Claudius Centho (en) Claudia (en) Tiberius Claudius Nero (en)
Anai-arrebak	ikusi Appius Claudius Caudex (en)
Hezkuntza
Hizkuntzak	latina
Jarduerak
Jarduerak	idazlea, poeta, Antzinako Erromako politikaria eta Antzinako Erromako militarra

Klase baxuei lagundu zien, baita merkataritza burgesiari ere, hiritar aberatsei, are libertoen semeei ere, Senatuan sartzea baimenduz. Samnitar Gerretan, Lazion eta Campanian kolonien sortzea bultzatu zuen, etruriar eta samnitarren aurka gotorleku bezala balio zezaten.

Senatu zerrenden elaborazioa zentsoreentzat uztea lortu zuen, ordura arte, kontsulen lana zena.

Via Apiaren eraikitzailea izan zen, Erroma Capuarekin lotzen zuena. Aqua Appia, Erromako lehen akueduktua izan zena ere eraiki zuen.

Legezko egutegi bat argitaratu zuen, ordura arte, pontifizeen lana zena.

K.a. 307an eta K.a. 296an kontsul aukeratua izan zen. K.a. 287 eta K.a. 286an diktadorea izan zen. K.a. 280an jada itsu zegoela, Pirroren aurkako hitzaldi ospetsu bat esan zuen, Heraklea Lukaniakoan erromatar armadak Pirroren aurka jasandako porrotagatik, bake hitzarmen guztiei muzin eginez eta, Erromak ez zuela amorerik eman behar adieraziz. Ezagutzen den latinez eginiko lehen hitzaldia izan zen.

K.a. IV. mendearen amaieran, Zuzenbideari buruzko lehen lana idazteko ekimena izan zuen, lehen lan literario erromatartzat ere har daitekeena, hala, XII Taulen Legeak eta pontifizeen Urte-liburuak kanpoan uzten badira.

Sententiae batzuk idatzi zituen, pitagorastar eragineko aforismoak bertso saturnioetan, horietatik, gutxi batzuk baino heldu ez direlarik egundaino. Horien artean, faber est suae quisque fortunae (bakoitza, bere zoriaren arduraduna da) ospetsua dago.