Agaricus cappellianus edo Agaricus vaporarius Agaricaceae familiako perretxiko espezie bat da.
Arazorik gabe kontsumitu daiteke. Apur bat haragia gorritzen zaien Agaricus generoko espeziea da, Agaricus campestris bezala.
Agaricus cappellianus | |
---|---|
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Agaricaceae |
Generoa | Agaricus |
Espeziea | Agaricus cappellianus Hlaváček, 1987 |
Kapela: 10 eta 15 cm arteko diametrokoa, ganbila, erdia lautua, arre kolorekoa, marroi iluna edo fuliginosoa gaztetan, garatzean, azala, hondo zuriaren gainean ezkata fibrilosoetan hausten da, itxura nabarra hartuaz. Kapelaren ertzak batzuetan errezel hondarrak ditu.
Orriak: Estu, haragi kolorekoak, gero marroi-beltzaxkak; ertz esterila, zurixka.
Hanka: Lodia, sendoa, zuria, marroia oinarrian, leuna eraztunaren gainetik, fibrilosoa eta ildaskatua, oinarrirantz.
Haragia: Lodia, irmoa, zuria, airea ukitzean apur bat gorritu egiten da.
Etimologia: Agaricus terminoa grekotik dator, perretxikoa esan nahi duen "agarikón" hitzetik. Vaporarius epitetoa berriz latinetik dator, berogailu esan nahi duen "Vaporarium" hitzetik. Bere erre koloreagatik.
Jangarri ona.
Kapelaren kolore ilunagatik eta handia delako zaila da nahastea. Espezie nahiko antzeko bat badago: Agaricus subperonatus, baina hau txikiagoa da eta gorrixkagoa.
Irailetik azarora, bide ertzetan, zabor piletan eta simaurraren ondoan.
Mendebaldeko Europa, San Laurendi ibaiaren eremua.
This article uses material from the Wikipedia Euskara article Agaricus cappellianus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.