Zénobe-Théophile Gramme
Zénobe Théophile GRAMME (Jehay-Bodegnée, 4-a de aprilo 1826 - Bois-Colombes, 20-a de januaro 1901) estis belga elektra inĝeniero.
| Zénobe-Théophile Gramme | |
|---|---|
 | |
| Persona informo | |
| Naskiĝo | 4-an de aprilo 1826 en Jehay |
| Morto | 20-an de januaro 1901 (74-jaraĝa) en Bois-Colombes |
| Mortokialo | cirozo |
| Tombo | Tombejo Père-Lachaise |
| Ŝtataneco | Belgio |
| Okupo | |
| Okupo | fizikisto • inventisto |
Li edukiĝis kiel ĉarpentisto en Lieĝo. En 1856 li translokiĝis al Parizo, kie li laboris por Heinrich Ruhmkorff, produktanto de elektromagnetaj aparatoj. Li plukonstruis la maŝinon de Hippolyte Pixii.
En 1869 li inventis dinamon kiu estis kapabla generi multe pli altan tension ol la ĝis tiam konataj dinamoj.
Por produktigi sian aparaton, li fondis kune kun la franca inĝeniero Hippolyte Fontaine la kompanion La Société des Machines magnéto-électriques Gramme en 1871. Tiu ĉi fabriko specialiĝis en dinamoj kaj elektraj generatoroj. La estonteco de la dinamo fariĝis promesplena pro la malkovro de la transportebleco de elektro fare de Fontaine. Li malkovris hazarde dum la monda ekspozicio en Vieno en 1873 ke eblis transporti elektron plurajn kilometrojn. Ĝis tiam la generatoro staris tie kie oni bezonis la elektron. Post la malkovro eblis distance, en centra loko, meti la generatoron.
Gramme mortis en la franca Bois-Colombes. Lia korpo estas enterigita en la tombejo "Cimetière du Père-Lachaise" en Parizo.
Vidu ankaŭ
Eksteraj ligiloj
- Gramme-motoro
- Zénobe Theophile Gramme Arkivigite je 2005-03-06 per la retarkivo Wayback Machine
This article uses material from the Wikipedia Esperanto article Zénobe-Théophile Gramme, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.