Sayil
Sayil estas majaa ruinaro en Meksiko, proksime de la ruinaroj Labná kaj Uxmal.
La signifo de la nomo estas verŝajne "formikejo" aŭ "monteto de formikoj".
| Sayil | ||
|---|---|---|
 | ||
| loĝlokoj de Meksiko • arkeologia loko [+] | ||
| Lando | Meksiko | |
| Koordinatoj | , 89° 39′ 8″ U 20.17775833-89.6521777820° 10′ 40″ N, 89° 39′ 8″ U | |
| Areo | 2,86 km² (286,21 ha) [+] | |
| ||
| Sayil | ||
 Vikimedia Komunejo: Sayil [+] | ||
Troviĝas tie palaco, pluraj temploj, steleoj kaj pilkoludejo. Sayil estas tre vasta kaj la padoj plurkilometrojn longaj. Ĉe la kulmino de Sayil, ĉirkaŭ la jaro 800 loĝis tie inter 7000 kaj 9000 homoj.
El Palacio
La palaco El Palacio estis konstruita dum la 8-a jarcento kaj mezuras 40 m x 80 m. Ĝi havas tri etaĝojn. La supraj etaĝoj estas malpli grandaj ol la malsupraj. De la suda flanko, tre detruita ŝtuparo ebligas aliron de la tegmento. La unua etaĝo havas dekstre 5 kaj maldekstre 7 enirejojn. La dua etaĝo havas nur 8 enirejojn, po 4 ĉiuflanke. La enirejo estas dividitaj de belegaj kolonvandoj. Nuntempe ĉefe la okcidenta flanko estas renovigita.
El Mirador
La templo El Mirador troviĝas ĉirkaŭ 300 m sude de la palaco kaj estas unu el la du plej grandaj temploj de Sayil. Ĝi similas al la templo de Labná.
Templo del Sur
La Templo del Sur (suda templo) troviĝas en la suda parto de Sayil. Ĝi estis komence duetaĝa konstruaĵo, sed nuntempe la dua etaĝo estas preskaŭ tute detruita. La templo havas sep enirejojn, kiuj strange ne estas samaltaj.
Juego de Pelota
La pilkejo troviĝas inter la palaco kaj la templo El Mirador. Tie oni ludis la faman pilkoludon per granda pilko.
Grupo de Estelas
La steleoj de Sayil estas en malbonega stato. Unu el ili havas hieroglifojn kiuj indikas la jaron 810.
Vidu ankaŭ
Eksteraj ligiloj
This article uses material from the Wikipedia Esperanto article Sayil, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.