Masakro De Srebrenico
La Masakro de Srebrenico (ankaŭ: genocido de Srebrenico, falo de Srebrenico) okazis en julio 1995, kiam estis murditaj proks.
ok mil islam-bosniaj viroj kaj knaboj en la regiono de Srebrenico (Srebrenica) en Bosnio-Hercegovino. La kaptantoj kaj murdantoj apartenis al la Armeo de Serba Respubliko (VRS) sub la komando de generalo Ratko Mladić dum la bosnia milito. Aldone al la Armeo de Serba Respubliko, ankaŭ eksterarmea unuo el Serbio, nomata "la skorpionoj", partoprenis la masakron.
La srebrenica masakro estas la plej granda amasmurdado en Eŭropo depost dua mondmilito. En 2004 la Internacia Krimtribunalo por Eksa Jugoslavio, en Hago, konstatis unuanime ke la masakro estis genocido. En februaro 2007 la Internacia Tribunalo konfirmis tion. Ĝi konstatis ankaŭ ke Serbio ne entreprenis ĉion por malhelpi la genocidon, kaj ke Serbio devas plene subteni la Tribunalon kaj elliveri la suspektitojn al Hago.
Antaŭ la genocido, UN deklaris Srebrenicon sekura areo protektata de UN, sed tio ne malhelpis la masakron, kvankam ĉeestis 400 armitaj nederlandaj soldatoj-pactenantoj. Dum la masakro estis murditaj precipe viroj kaj dek-iom-jaruloj, sed ankaŭ kelkaj pli junaj infanoj, virinoj kaj maljunuloj. La listo de la homoj, kiuj estis mortigitaj aŭ pri kies restado oni ne scias, enhavas 8.373 nomojn.
This article uses material from the Wikipedia Esperanto article Masakro de Srebrenico, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.