Eŭropa Esperanto-Unio
La Eŭropa Esperanto-Unio (EEU) estas asocio por antaŭenigi Esperanton en la Eŭropa Unio por igi la Eŭropan Union lingve efika kaj sendiskriminacia.
La asocio fondiĝis en la UK 1977 en Rejkjaviko; poste ĝi estis plurfoje revivigita.
EEU estas leĝe registrita asocio ekde majo 2005 en Belgio. En Bruselo ĝi kreis komunikadcentron kiu i.a. celas informi Eŭroparlamantanojn pri Esperanto.
Oficiala organo de EEU estas Eŭropa Bulteno. Detala historio de EEU legeblas en aparta artikolo.
Estraro
Estraro elektiĝis dum la Universalaj Kongresoj 2005 en Vilno kaj 2011 en Kopenhago.
| posteno | 2005 | 2011 |
|---|---|---|
| Prezidanto | Dro Seán Ó Riain | |
| Vicprezidanto | Flory Witdoeckt | |
| Kasisto | ||
| Sekretario | Zlatko Tiŝljar | |
| membroj | ||
Agado
Dum 2011 en Kopenhago EEU partoprenis en kongresa foiro reklamante sian sekvajaran kongreson kaj organizis du kunvenojn de la Asembleo kaj akceptis jenajn decidojn:
- 1) EEU proklamis la jaron 2012 « La Jaro de Tibor Sekelj » pro la 100-jariĝo de lia naskiĝo.
„ Tibor Sekelj estis ne nur elstara esperantisto kun multegaj meritoj sed escepte sukcesa verkisto kies pli ol 20 libroj inter kiuj triono estis verkita en Esperanto estis tradukita al multaj lingvoj. Li estis esploristo, geografo, arkeologo, etnologo, muzeologo, ĵurnalisto, filmisto, alpisto, aventuristo kaj do la plej fama esperantisto ekster la movado. Li fondis dekon da landaj E-asocioj ĉefe en Azio kaj Suda Ameriko kaj kvardekon da E-societoj. ” — Universala Kongreso en Kopenhago kaj agado de EEU, Zlatko Tišljar - 2) EEU startigis la eŭropan civitanan iniciaton per leĝpropono al Eŭropa Komisiono ke « EU oficialigu la kantadon de eŭropa himno en la neŭtrala lingvo Esperanto laŭ la tradiciaj vortoj de EEU, membro de la Civitana Platformo por Multlingveco starigita de la Eŭropa Komisiono en 2009. »
Kongresoj
Ĝis nun 10 fojojn okazis Kongreso de Eŭropa Esperanto-Unio (KEEU). En somero de 2008 ĝi okazis en Herzberg am Harz, Germanio, kaj en somero de 2012 en Galivo (Galway/Gaillimh, Irlando). La temo de la kongreso de 2012 estis "Lerni lingvojn en la EU: lerni pli, kosti malpli".
| N° | Datoj | Urbo | Lando | Partoprenantoj | landoj |
|---|---|---|---|---|---|
| 10 | 2014-07-06/12 | Rijeko |  Kroatio | 146 | 21 |
| 9 | 2012-07-16/20 | Galivo |  Irlando | 157 | 28 |
| 8 | 2008-05-28/06-02 | Herzberg am Harz |  Germanio | 400 | 23 |
| 7 | 2007-07-28/08-04 | Mariboro |  Slovenio | 256 | 29 |
| 6 | 2004-08-25/29 | Bilbao |  Hispanio | 284 | 24 |
| 5 | 2002 | Verono |  Italio | ||
| 4 | 2000-04-27/05-01 | Ostendo |  Belgio | 400 | |
| 3 | 1997 | Stutgarto | Germanio | 400 | |
| 2 | 1995-06-02/06 | Parizo |  Francio | > 400 | |
| 1 | 1992 | Verono | Italio |
Notoj
Referencoj
Vidu ankaŭ
Eksteraj ligiloj
- Oficiala retejo
- Pri la historio de EEU (el Libera Folio)
- Universala Kongreso en Kopenhago kaj agado de EEU en la Blogo de Zlatko Tišljar
This article uses material from the Wikipedia Esperanto article Eŭropa Esperanto-Unio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.