Andrzej Poczobut: Belorusa ĵurnalisto
Andrzej Poczobut (beloruse: Андрэй Пачобут, Andrej Paĉobut, naskiĝis la 16-an de aprilo 1973 en Brzostowica Wielka) estas pola-belorusa ĵurnalisto, publicisto kaj blogisto ligita kun Grodno, aktivulo de pola minoritato en Belorusio, politika malliberulo.
| Andrzej Poczobut | |||||
|---|---|---|---|---|---|
 | |||||
| Persona informo | |||||
| Naskiĝo | 16-an de aprilo 1973 (50-jaraĝa) en Vialikaja Bierastavica | ||||
| Lingvoj | belorusa • pola vd | ||||
| Ŝtataneco | Belorusio vd | ||||
| Alma mater | Ŝtata Universitato Janka Kupala de Hrodno vd | ||||
| Profesio | |||||
| Okupo | ĵurnalisto • verkisto vd | ||||
| Laborkampo | ĵurnalisto vd | ||||
| |||||
| |||||
| vd | Fonto: Vikidatumoj | ||||
Vivo
En 1998 finis studojn ĉe Jura Fakultato de Grodna Ŝtata Universitato je la nomo al Janka Kupala. Laboris en pluraj redakcioj de polaj kaj belorusaj gazetoj. Aktivulo de Asocio de Poloj en Belorusio de la 1990-aj jaroj. De 2006 korespondanto de „Gazeta Wyborcza” en Grodno.
Li apartenas al kontraŭuloj de prezidento de Belorusio Aljaksandr Lukaŝenka, kies reĝimon plurfoje kritikis en siaj artikoloj. Pro socia kaj ĵurnalista agado plurfoje arestata.
Spertulo pri historio de sekretaj servoj de Sovetunio en Okcidenta Belorusio kaj tiea agado de Pola Enlanda Armeo.
Reprezalioj
Laste arestita la 25-an de marto 2021. Alta Reprezentanto por la komuna ekstera kaj sekureca politiko de la Eŭropa Unio Josep Borrell kondamnis la areston. La 9-an de decembro 2021 Pola Sejmo akceptis rezolucion „alvokantan belorusan reĝimon ĉesigi reprezaliojn kontraŭ Andżelika Borys, Andrzej Poczobut kaj aliaj politikaj malliberuloj. La similan rezolucion Sejmo akceptis la 28-an de marto 2022. Proceso de Poczobut komenciĝis la 16-an de januaro 2023. La 8-an de januaro oni anoncis la verdikton de Grodna juĝejo: 8 jarojn de peza mallibero. La similan verdikton nun atendas 10 sindikatistoj, kiuj helpis al persekutataj homoj (akuzitaj pri faŝismo kaj detruado de la ŝtato). Jam preskaŭ 5 mil belorusoj estas politikaj malliberuloj.
Reage al la verdikto kontraŭ senkulpa ĵurnalisto, pola ministro pri internaj aferoj kaj administrado Mariusz Kamiński la 9-an de februaro decidis fermi pro sekureco polan-belorusan limpasejon en Bobrowniki (Distrikto Bjalistoko). Pollando, lige kun la invado de Rusio en Ukrainion, kiun antaŭis hibrida operaco de eksterleĝa homa kontrabandado de miloj da elmigrintoj el Proksima Oriento tra la belorusa-pola ŝtatlimo, konsideras fermi du ceterajn limpasejojn kaj sankciigi respondeculojn pri la reprezalioj.
Publikaĵoj
- System Białoruś, Gliwice 2013
Premioj
- Premio de revuo ARCHE „Pro la vera vorto” (Belorusio, 2009).
- Premio je la nomo de Witold Hulewicz (Pollando, 2010).
- Premio je la nomo de Andrzej Woyciechowski (Pollando, 2011) – pro la materialo, kiu esence influis konscion de poloj.
- Ĵurnalisto de la Jaro (Pollando, 2011).
- Grand Press – Ĵurnalisto de la Jaro (Pollando, 2021)
Vidu ankaŭ
Eksteraj ligiloj
This article uses material from the Wikipedia Esperanto article Andrzej Poczobut, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.