Aldo De' Giorgi
Aldo DE' GIORGI (1924-2003) estis itala verkisto en Esperanto kaj librotenisto, honora membro de UEA.
| Aldo de' Giorgi | |
|---|---|
| Persona informo | |
| Naskiĝo | 29-an de februaro 1924 en Komo |
| Morto | 19-an de januaro 2003 (78-jaraĝa) |
| Lingvoj | Esperanto • itala |
| Ŝtataneco | Italio • Reĝlando Italio |
| Okupo | |
| Okupo | esperantisto |
Li estis esperantisto de 1952 kaj deĵoris en multaj instancoj de la Esperanto-movado. Interalie, li estis komisiito de UEA pri kulturo de 1977 ĝis 1980, juĝanto pri poezio en la Belartaj Konkursoj de UEA de 1981 ĝis 1998 kaj organizanto de multaj literaturaj konkursoj. Li estis Akademiano de 1986 ĝis 1998 kaj ano de la juĝkomisiono de Fondaĵo Grabowski ekde 1990.
De' Giorgi estis kunlaboranto de multaj revuoj. Dum dudek jaroj (ĝis 1996) li estis literatura redaktoro de Heroldo de Esperanto. Li redaktis la italan revuon L'Esperanto (de 1979 ĝis 1988). De 1974 li verkis originale poemojn, rakontojn kaj eseojn, ofte konkurse premiitajn, kaj romanon sub la pseŭdonimo Paula Mährti.
De' Giorgi skribis la antaŭparolon de Ombro sur Interna Pejzaĝo de Spomenka Štimec kaj de Fadenoj de l' Amo de Gerrit Berveling kaj editoris la plenan poemaron de William Auld, En Barko Senpilota (1987).
Listo de verkoj
Poemoj
- Pretertempe (1982)
Romanoj
Eksteraj ligiloj
- Aldo de' GIORGI
- Verkoj de kaj pri Aldo de' Giorgi[rompita ligilo] en la Kolekto por Planlingvoj kaj Esperantomuzeo Arkivigite je 2015-03-25 per la retarkivo Wayback Machine
This article uses material from the Wikipedia Esperanto article Aldo de' Giorgi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.