C'l artìcul chè 'l è scrit in Miranduléś
Titàṅ l'è na luna dal pianēd Satùran, la sò sèsta, al secónd satèlit più grand dal Sistéma sulàr dòp Ganimēd, più grand anc ad Mercûri mo mia par masa. 'L è cumpòst ad materiàł maśagnóś e 'd giàs 'd àqua. 'L è stâ catâ par la prima vòlta da 'l astrònum ulandéś Christiaan Huygens al 25 ad Mars dal 1655 druànd un telescòpi rifratōr ad 57 mm ad diàmetar e 310 mm 'd fucàł esénd ch'a òć nûd al n s véd briśa.
Titàṅ l'è 'l ùnic satèlit dal Sistéma sulàr ch'al gh'à n'atmusféra fisa, fata p'r al 95% 'd aśôt e p'r al rèst ad metàṅ. Par via dla sò temperadùra, −179,15 °C ad mèdia, e dla sò presiòṅ ad 146700 Pa, su cla luna chè al metàṅ al s cata in dal tri fórmi, sòlida, lìquida e gasóśa, cun dal nuvli ch'a piōv e ch'a néva.
Al gh'à dal stagiòṅ e fiùm e lâg su la sò superfìsi, specialmènt a i pòi.
This article uses material from the Wikipedia Emiliàn e rumagnòl article Titàṅ (astrunumìa), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.