The Blair Witch Project - Il Mistero Della Strega Di Blair
C'l artìcul chè 'l è scrit in Miranduléś
Miranduléś The Blair Witch Project | ||
| The Blair Witch Project Il mistero della strega di Blair | ||
 Michael C. Williams in na figùra dal film | ||
| Al mistēr dla stria ad Blair 1999 | ||
|---|---|---|
| Regìa: Daniel Myrick • Eduardo Sanchez | ||
| Scritōr: Daniel Myrick • Eduardo Sanchez | ||
| Atōr: Heather Donahue • Michael C. Williams Joshua Leonard • Bob Griffin • Sandra Sánchez | ||
| Müsica: Tony Cora • Klaus Heesch • Laibach Sherwood Schwartz • Samuel A. Ward George Wyle • Francis Scott Key | ||
| Léngua: Ingléś | ||
| Dürä dal film: 86 minüt | ||
| Nasiōṅ: Stat Unî | ||
The Blair Witch Project - Il mistero della strega di Blair (Al mistēr dla stria ad Blair) 'l è 'n film ad scarésa dal 1999 ad Daniel Myrick e 'd Eduardo Sanchez girâ c'n un budget ad vintsìnc-mila dòlar a la manéra 'd un ducumentàri e cuciâ in élt dimóndi da na campàggna prumusiunàla in sla réda internet. 'L à fat sù dagnóra duśènt-sinquànta migliòṅ ad dòlar dand vita pò in dal 2000 a 'n séguit, Il libro segreto delle streghe: Blair Witch 2.
La pelìcula l'à cupiâ soquànt aspèt da 'l film itagliàṅ Cannibal Holocaust cuma na futugrafìa muśnènta, al druàr la màchina a maṅ e l'idéa dla caséta vìddeo catàda in dal bòsc. A 'l Fèstival ad Cannes dal 1999 l'à ciapâ 'l prèmi par la regìa di śōvan in dla sesiòṅ di film furastēr.
Sunt
In d'l Utóbar dal 1994 tri studènt universitàri, l’Heather (Heather Donahue), Mike (Michael C. Williams) e Josh (Joshua Leonard) i sparìs'n in di bòsc darènt a 'l vilàǵ ad Burkittsville, na vòlta ciamâ Blair. Ad lōr a n s sà più gnint in fiṅ tant ch'i vènan catâ soquànt di sò nàstar ch'i ìvan girâ da cal bandi là.
I ragàs i ìvan decìś ad giràr un ducumentàri par far luś su di dit dla gint ch'i còntan ch'in chi bòsc lè dal Maryland a gh vivìs in dal Setsènt na stria, l’Elly Kedward, cgnusùda cuma la “Strìa ad Blair”. Chi lē l'éra na dunàsa dimóndi catìva ch'la fava sparìr i putèṅ dòp avér-ag fat dal mâł.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTV
- (IT) La schéda dal film in sal sit dla Cunferénsa Episcupàla
Nòti
This article uses material from the Wikipedia Emiliàn e rumagnòl article The Blair Witch Project - Il mistero della strega di Blair, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.